Юрий Звенигородский. Великий князь Московский

А благословляю сына своего, князя Василья, страстьми болшими, да крест честный животворящий патреяршь Филофеевский. А сына же своего благословляю, даю ему икону Парамшина дела, да чепь хрестьчатую, што мя благословил отець мой, да шапку золотую, да бармы, да пояс золот с каменьем, што ми дал отець мой, да другий пояс мои на чепех с каменьем, да третий пояс ему же на синем ремени. А ис судов даю сыну своему, князю Василью, коропку сердо-ничную, да ковшь золот княжь Семеновский, да судно окованое золотом, што ми дала мати моя, да каменное судно болшее, што ми от великого князя от Витовта привезл князь Семен, да кубок хрусталной, што ми король прислал.

А стада кобыльи моей княгине с моим сыном наполы.

А опроче того, што ни есть у мене, то все моей княгине.

А холопи, которые есм подавал своей княгине при своем животе, те ей и есть. Да даст моя княгини моим дчерем из моих холопов по пяти семей, а опроче того вси холопи мои на слободу и с женами и с детми.

А приказываю своего сына, князя Василья, и свою княгиню, и свои дети своему брату и тистю, великому князю Витовту, как ми рекл, на Бозе да на нем, как ся имет печаловати, и своей братье молодшей, князю Ондрею Дмитреевичю, и князю Петру Дмитреевичю, и князю Костянтину Дмитреевичю, и князю Семену Володимеровичю, и князю Яраславу Володимеровичю, и их братье по их докончанью, как ми рекл и.

А у сее грамоты были мои бояре: князь Юрьи Патрекеевич, Иван Дмитреевич, Михайло Ондреевич, Иван Федорович, Федор Иванович.

А грамоту писал мой дьяк Тимофей Ачкасов.

А кто сю мою грамоту порушит, судит ему Бог, а не буди на нем моего благословенья в сий век, ни в будущий.

Третья (окончательная) духовная грамота великого князя Василия Дмитриевича

Предположительное написание документа — март 1423 года. Внизу грамоты также есть подпись митрополита Фотия на греческом языке.

К грамоте подвешена печать из желтого воска — великого князя Василия Дмитриевича.

Подлинник документа хранится в РГАДА (Российском государственном архиве древних актов). Там же находится список XV века, где на обороте листа сохранились две важные надписи, которые помогают датировать время написания грамоты. Первая запись: «Список з грамоты, что поймал Олексеи з собою в Литву, коли с митрополитом поехал с Фотеем на середохрестье». Вторая запись: «Список с тое грамоты, что пошла к великому князю к Витовту с Олексеем в лето 30 первое, з середохрестья».

Во имя Отця и Сына и Святаго Духа, по благословленью отця нашего Фотея, митрополита киевского и всея Руси, се яз, грешный худый раб Божий Василей, при своем здоровье, пишу грамоту душевную. Даю ряд своему сыну, князю Василью, и своей княгине.

Приказываю своего сына, князя Василья, своей княгине. А ты, сын мой, князь Василей, чти матерь и слушай своее матери в мое место, своего отця.

А благословляю своего сына, князя Василья, своею вотчиною, чем мя благословил отець мой, третью Москвы, и с путми, с моими жеребьи, и Добрятиньским селом с бортью, и Василцевым стом, и третью численых людей, и Коломною с волостми и с путми. А из сел даю сыну своему, князю Василью: на Москве село Островьское с Орининьским и с Костянтиновьским, да село Малаховское, да Жирошкины деревни со всем, что к тем селом потягло, да село Копотенское, да селце у города у Москвы над Великим прудом, да Хвостовьское селце, да луг Великий за рекою у города у Москвы, да Ходынскую мелницю, да двор в городе Фоминьской Ивановича у Боровицких ворот, а другий двор, что был за Михаилом за Вяжем, да за городом новой двор у Святого Володимера. Да даю сыну своему, князю Василью, свой примысл в Юрьеве, село Петровское да Олексиньское.