Казанская икона Божией Матери

Не скорби, не получая тотчас от Бога того, о чем просишь. Он хочет доставить тебе большее благодеяние тем самым, что заставляет тебя с терпением долее предстоять Ему в молитве. Ибо что выше, как простирать беседу к Богу и объяту быть общением с Ним.

Св. Иустин Попович

Молитва вторая

О, Пресвятая Владычице Богородице, Царице Небеси и земли, вышшая ангел и архангел и всея твари честнейшая, чистая Дево Марие, миру благая Помощнице, и всем людем утверждение, и во всяких нуждах избавление! Призри и ныне, Госпоже Всемилостивая, на рабы Твоя, Тебе умиленною душею и сокрушенным сердцем молящияся, со слезами к Тебе припадающия и покланяющияся пречистому и цельбоносному образу Твоему, и помощи и заступления Твоего просящия. О, Всемилостивая и Премилосердая Дево Богородице Чистая! Воззри, Госпоже, на люди Твоя: мы бо грешнии не имамы иныя помощи, разве Тебе и от Тебе рождшагося Христа Бога нашего. Ты еси заступница и предстательница наша. Ты еси обидимых защищение, скорбящим радование, сирым прибежище, вдовам хранительница, девам слава, плачущим веселие, больным посещение, немощным исцеление, грешным спасение, Сего ради, о Богомати, к Тебе прибегаем, и на Твой Пречистый образ с Предвечным на руку Твоею держимым Младенцем, Господем нашим Иисусом Христом взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайству Твоему: яко Тебе слава подобает ныне и присно и во веки веков. Аминь.

Молитва есть дыхание духовного человека. Как дыханием телесный человек привлекает окружающий воздух и вдыхает из него жизненность и силу – так молитвою душа отверзает себя везде присутствующему Духу Божию и приемлет от Него жизнь духовную.

Иннокентий митрополит Московский

Молитва третья

О Пресвятая Дево, Светоносная Марие, Мати Христа Бога нашего и Церкве Зиждителя! Сын Твой и Спаситель мира, воздвигший Святую Церковь Пречистою Своею Кровию, юже приял от светозарнейшей чисто ты Девства Твоего, – яко воистину Благосердную Матерь, По кров и непреодоленное ограждение – Церкви Своей Тя дарова, да сия Тобою от зол всяческих ограждаема яко невеста преизрядная, созвездием душ святых, к брачней вечери Агнца Божия преукрасится. Владычице и Надеждо наша непостыдная, аще бо Ты не бы предстояла молящи, кто бы Церковь Святую и верных чад Ея избавил от толиких бед, кто же бы сохранил нас до ныне свободны и ограждал нас от соблазнов лукавых и смерти греховныя? Не умолчим, Премилосердная, исповедати Тя, святый Покрове и неложное утешение, в грехопадениих же наших пред Богом спасительное прибежище, присно избавляющая мир от гнева Божия и вечнаго осуждения. Не презри, Владычице, нас земнородных, аки трость ветром, бурею житейских испытаний колеблемых: друг друга раздражающих, друг другу завидящих, друг друга злобою угрызающих, завет любви Божией нивочтоже вменяюще. Ты же, Голубице нескверная, моли Всещедраго Бога, да пробавит милость Свою над миром, соблазны греховными обуреваемым, и оградит Духом Святым Церковь Свою Святую от наветов вражиих невредиму и непоколебиму, во еже в мире, братолюбии и страсе Божием поживут вси народи, и всяка вражда и нестроение в сердцах людей да истребятся, согласие же и любовь да увенчают дни жизни нашея миром. Мати Божия! Не отрини убогия молитвы нашея, ниже отвратися от нас милосердием Твоим. Укрепи колеблющуюся нашу веру и огради Святую Церковь всечестным Покровом Твоим, да не оскудеет на жертвенницех Ея Безкровная Жертва – залог Тела и Крови Христовой, за спасение мира приносимая, во еже ходатайством Твоим, до скончания века, чадам Божиим неосужденно причащатися Божеству Неизреченному, освящающему верных к наследию вечных благ. Да тако Твоим Матерним заступлением юдоль греховную прейдем и пристанища Церкве Небесныя достигнем, идеже радость, и мир, и правда Божия царствует во веки веков. Аминь.