Хожение за три моря

л. 391 об.

^бА оттудова же^в[1200] || поидох 12 дни до Мошьката, и в Мошкате же шествый Великый день²¹² взях. И поидох до Гурмыза 9 дни, и в Гурмызѣ бых 20 дни. Изъ Гурмыза поидох к Лари, и бых 3 дни. Из Лари поидох к Ширязи 12 дни, а в Ширязи бых 7 дни. А изъ Ширяза поидох к^а[1201] Верху²¹³ 15, а в Вергу бых 10 дни. А из Вергу поидох къ Езъди 9 дни, а въ Езди быхъ 8 дни. А изъ Езди поидох къ Спагани²¹⁴ 5 дни, а въ Спагани 6 дни. А ис Пагани поидох Кашани, а в Кашани бых 5 дни. А ис Кошани поидох к Куму²¹⁵, а ис Кума поидох в Саву²¹⁶. А ис Савы поидох въ Султанию²¹⁷. А ис^б[1202] Султанин поидох до Терьвиза²¹⁸. А ис Тервиза поидохъ в орду^в[1203] Асанбѣ

²¹⁹. В ърде же бых 10 дни, ано пути нѣту никуды. А на турьскавъ²²⁰ послал рати своей 40 тысяч²²¹. Ины Севасть²²² взяли, а Тоханъ²²³ взяли да и пожьгли, Амасию²²⁴ взяли и много пограбили сел, да пошли на Караманъ²²⁵, воюючи.

л. 392

И яз из орды пошел къ || Арцицину²²⁶, а из Ръцана пошел есми въ Трепизонъ²²⁷. И въ Трепизон же приидох на Покровъ святыя Богородица и приснодѣвыя Мария и бых же въ Трипизони 5 дни. И на карабль приидох и сговорихъ о налонѣ дати золотой от своеа головы до Кафы²²⁸, а золото есми взял на харчь^а[1204], а дати в Кафѣ. А въ Трепизони же ми шубашь²²⁹ да паша²³⁰ много зла ми учиниша^б[1205], хламъ мой всь к собѣ взнесли в город на гору, да обыскали все^в

[1206]. А обыскывають грамотъ, что есми пришел из орды Асанъбсга²³¹.

л. 302 об.

Божиею милостью приидохъ до третьаго моря до Чермнаго, а парьсьйскым языкомъ дория Стимъбольскаа. Идох же по морю вѣтромъ пять дни и доидох до Вонады²³², и ту нас стрѣтилъ великый вѣтръ полунощь и възврати нас къ Трипизону, и стояли есмя въ Платанѣ^г[1207]²³³ 15 дни, вѣтру велику и злу бывшу. Ис Платаны есмя пошли на море двожды, и вѣтръ нас стрѣчаеть злы, не дасть намъ по морю ходити. Олло акъ, олло худо || перводегерь, развѣе бо того иного бога не знаем. И море же преидохъ, да занесе нас сы къ Балыкаее²³⁴, а оттудова Тъкъръзофу²³⁶, и ту стоали есмя 5 дни. Божиего милостью придох в Кафѣ за 9 дни до Филипова заговейна. Олло перводигырь! Милостию же божиего преидох же три моря. Дигырь худо доно, олло преводигирь доно. Аминь! Смилна рахмамъ рагымъ. Олло акберь, акши худо, илелло акши ходо. Иса рухолло, ааликсолом. Олло акберь. А илягяиля илл елло. Олло перводигерь.

Ахамду лилло, шукуръ худо афатад. Бисмилнаги рахмам ррагым. Хуво мугу лези, ля иляга ильля гуя алимул гяиби ва шагадити. Хуа рахману рагыму, хуво могу лязи. Ля иляга ильля хуя. Альмелику, алакудосу, асалому, альмумину, альмугамину, альазизу, альчебару, альмутаканъбиру, альхалику, альбариюу, альмусавирю, алькафару, алькахару, альвахаду, альрязаку, альфатагу, альалиму, алькабизу, альбасуту, альхафизу, алъррафию, альмавифу, альмузилю, альсемию, альвасирю, альакаму, альадыолю, альлятуфу²³⁷.

Сухановский извод

^аО индийском хожении^б[1208]

л. 411

В та же лѣта^в

[1209] нѣкто именем Афонасей^г[1210] Никитинг^д[1211] сынъ тверитинъ ходил с послы от великаго князя Московскаго^е[1212] Ивана, и от великаго^ж[1213] князя Михайла^з[1214] Борисовича Тверскаго, и от владыкы^и[1215] Тверскаго Генадия за море. И той тверитинъ Афонасей ниспал путь хожения своего сице.

л. 411 об.

Се^к[1216] списахъ грѣшное свое хожение || за три моря: первое море Дербенское, дория Хвалитская, второе море Индѣйское^а[1217]

, горы Гондустанъскые^б[1218], третиее море Чермное, дория Стемболская.

Поидохъ^в[1219] от святаго Спаса златоверхаго съ его милостию от великаго князя Михаила Борисовича и от владыки Генадия Тверскаго^г[1220]. Поидохъ на низ Волгою, и приидохом^д[1221] в монастырь къ святѣй живоначалнѣй Троицы и святым мучеником Борису и Глѣбу и у игумена ся благословивъ у Макария и у братьи. И с Колязина же поидохъ на Углечь, с Углеча на Кострому ко князю Александру с ыною грамотою. И князь великий всеа^е[1222] Росии отпустил мя доброволно. И на Плесо, и в Новъгород Нижний к Михайлу Киселеву к намѣстнику, и к пошлиннику Ивану Сараеву, и они пропустили доброволно.

В Василей Папинъ проѣхал в город; а яз ждал в Новѣгороде двѣ недѣли посла татарскаго ширвашина Асамбѣга, а ѣхалъ съ кречеты от великаго^ж[1223] князя Ивана, а кречатовъ у него 90. И поѣхали на низ Волгою; и Казань, и Орду, и Усланъ, и Сарай, и Берекезаны проѣхали есмя доброволно.

И въѣхали есмя в Бузань рѣку. И дали вожем подарки, чтоб провели^з[1224] мимо Асторохань, и тѣ вожи, провожаючи, а^и[1225] вѣсть дали царю в Асторохань. И царь послал за ними всю свою орду, и постигли на Бугунѣ, и, пограбя, отпустили голыми головами, а вверхъ для вѣсти нас не пропустили.

л. 412