Старцы о последних временах (СИ)

Господи Боже сил! Призри милостивым оком Твоим на зело страждущую страну нашу, в ней же за беззакония наша умножишася нестроения, и раздоры, и междуусобия. Ты, Господи, веси беду нашу, веси озлобления, слышиши стонения неповинных младенцев, сирот и вдовиц. Ты некогда пощадил еси Ниневию, град великий, ради покаяния его, пощади и нашу дорогую Родину. Возглаголи всесильным словом Твоим в сердцах проповедников безбожия, нечестия, просвети разум их, гордынею омраченный, и да посрамится лукавый супостат наш диавол, сеющий плевелы на селе Твоем.

Господи Боже милосердный, Боже всемогущий, паки и паки припадаем Тебе и слезно в покаянии и умилении сердца вопием: помилуй землю Русскую, утоли вся раздоры и нестроения, умири сердца, страстьми обуреваемыя, вдохни мужество в сердца стоящих на страже благоустроения Отечества нашего и всех нас озари светом закона Твоего евангельского, возгрей сердца наши теплотою благости Твоея, утверди волю нашу в воле Твоей. Да якоже древле, тако и ныне на земли нашей, и в нас, и через нас прославится всесвятое Имя Твое Отца и Сына и Святого Духа. Аминь.

МОЛИТВА ЗА РОССИЮ ПРАВОСЛАВНОГО КРЕСТОВОЗДВИЖЕНСКОГО ТРУДОВОГО БРАТСТВА (г. Чернигов, Создана В 1905 г.)

На Отчизну нашу, Россию, излей благодать Твою, Боже!

Да соединятся все народы, ее населяющие, в одну семью, Тебя Отца Небесного, единомысленно исповедующие, всю жизнь свою единодушно по вере устрояющую, да будет едино стадо и единый Пастырь. Да будет хлеб насущный и духовный для всех без изъятия.

Да будет мир и любовь между всеми и да будут бессильны козни врагов внутренних и внешних, злых сеятелей плевел на ниве Твоей, писанием, словом или делом вносящих шаткость в умы, горечь в сердца, соблазн, раздор и всякую скверну в жизнь.

Пошли, Господи, делателей добрых на русскую ниву Твою, да огласят они ее глаголами правды твоей, да просветят ее примером жизни по вере. Пошли, Господи, народу русскому чуткость сердца, да разумеет он святые речи избранников Твоих, да разумеет он святую волю Твою и неизменно и с радостию творит ее, да будет Русь воистину свята, да соединится она единомысленно и единодушно в одно великое Братство Христово, мыслию, словом и делом верное Богу и Христу Его. Да будет Русь наша подлинно церковной державой, во всех делах своих руководствующейся учением Православной Церкви.

Господи, Владыко мира! Посети Отчизну нашу благодатию Своею, да облечется она святостию, яко ризою, и да будут сыны ее во смирении своем достойны одежды брачной, в ней же внити надлежит в чертог Царствия Твоего. Аминь, аминь, аминь.

МОЛИТВА О СПАСЕНИИ ОТЕЧЕСТВА

Господи Иисусе Христе, Боже наш! Прими от нас, недостойных рабов Твоих, усердное моление сие и, простив нам вся прегрешения наша, помяни всех врагов наших, ненавидящих и обидящих нас и не воздажь им по делам их, но по велицей Твоей милости обрати их: неверных к правоверию и благочестию, верных же во еже уклонитися от зла и творити благое. Нас же всех и Церковь Твою святую всесильною твоею крепостию от всякого злого обстояния милостиво избави. Отечество наше от лютых безбожников и власти их освободи, верных же рабов Твоих в скорби и печали день и ночь вопиющих к Тебе, многоболезненный вопль услыши, многомилостиве Боже наш, и изведи из истления живот их. Подаждь же мир и тишину, любовь и утверждение и скорое примирение людям Твоим, их же честною Твоею кровию искупил еси. Но и отступившим от Тебя и Тебе не ищущим явлен буди, во еже ни единому от них погибнути, но всем им спастися и в разум истины прийти, да вси в согласном единомыслии и в непрестанной Любви прославят пречестное имя Твое, терпеливодушне, незлобиве Господи, во веки веков. Аминь.

ПОКАЯННАЯ МОЛИТВА, ЮЖЕ ЧТОША В ЦЕРКВАХ В РОССИИ ВО ДНИ СМУТЫ

Господи Боже, Вседержителю, призри на нас, грешных и недостойных чад Твоих, согрешивших пред Тобою, прогневавших благость твою, навлекших гнев Твой праведный на ны, падших во глубину греховную. Ты зриши, Господи, немощь нашу и скорбь душевную, веси растление умов и сердец наших, оскудение веры, отступление от заповедей Твоих, умножение нестроения семейных, разъединения и раздоры церковные. Ты зриши печали и скорби наша, от болезней, гладов, потопления, запаления и междоусобныя брани происходящия. Но, Премилостивый и Человеколюбивый Господи, вразуми, настави и помилуй нас, недостойных. Исправи жизнь нашу греховную, утоли раздоры и нестроения, собери расточенные, соедини разсеянные, подаждь мир стране нашей и благоденствие, избави ю от всяких бед и несчастия. Всесвятый Владыко, просвети разум наш светом учения евангельского, возгрей сердца наша теплотою благодати Твоея и направи я к деланию заповедей Твоих, да прославится в нас Всесвятое и Преславное Имя Твое, Отца и сына и Святого Духа, ныне и присно и во веки веков. Аминь.

МОЛИТВА АРХАНГЕЛУ БОЖИЮ МИХАИЛУ