Том 18 (XVII век, силлабическая поэзия)

Парень 2

Великий господине! Вельможи приидоша.Смотри скорбных, яко тя болна обретоша.

Ирод

Умилосердитеся! Дайте ми пораду[1867]!Не дайте ми умерети, подайте отраду!

Сенатор 1

Бежи, юнче, по врача, да будет зде вскоре,Егоже обрящеши на моем подворье.

Отрок пошел.

Сенатор 2

Друзи! Аз неслыханный смрад в нем ощущаю,Не живуща, но смертна весма его чаю.

Сенатор 3

Рци нам слово, о царю! Что тебе болеет?

Ирод (немощным гласом)

Ах, увесь изнемогох, все тело дряхлеет.

Сенатор 4

Уступемо подале, аз не могу стати

Блиско смрадна, нозри бо требе затыкати.

Врачь

Здравствуйте, первейшии Ирода вельможи!Что се вашего царя сложило на ложи?

Сенатор 1

Тя вем врача искусна осмотрити болезни.Может ли еще с нами пожити в сей жизни?

Лекарь (осматривает)

Не гневайтеся на мя: царь ваш болен зело.

Не вем, аще му кое сопеспешит[1868] дело.Смотрете: по всему теле множится огница[1869],Всю утробу повреди лютая чревница[1870],Се уды все сорвенныи[1871], все весма согниша,Нозри ощущение свое заградиша.Увесь в болезнех смертных и жити не може.Изволте готовити ему гробно ложеИ сами, аще кто з вас хощет здрав быти,Изволите опасно всяк себе хранити.Смертен есть и всякаго он смертна сотворит,

Аще обоняния кто зде не затворит.Аз болше стоять не могу. Господа, простете,И сами, советую, долго не медлете.

Ирод

Что вам врачь глаголаше? Да аз вем, недужны.Повесте, что ми будет в сей час горки, нужны[1872]?

Сенатор 2

Смертен ти час настоит. Изволь ожидати,Нам же зде ради смрада не мощно стояти.

ЯВЛЕНИЕ 15