Том 18 (XVII век, силлабическая поэзия)

6

Изыдет Богатырь, хотяй битися, и глаголет

Ей! молодец храбрый хощет погуляти;Кто мне в силе равен, желаю познати.Кровь во мне играет, не могу терпети,На едином месте, як баба, сидети.Многия посетих далекия страны,Морския пучины мною преплаваны,Исках богатыря, подобнаго себе,Не найдох на земли, разве есть кто в небе?Со славою везде со крепкими брахся,Выну торжествовах, егда подвизахся.Аще бы и Сампсон ныне обретался,Моея крепости весма бы боялся.

Ведают то люди, для того боятсяМоего оружия, вси мене страшатся.Толико безбедно денно пребываю,Осмь лет оружия сего не вымаю.А хотя в новинку, добро посмотрети,Присхлую к нему кровь платенцем отрети.

Зде добывает оружия и не может его добыти и глаголет

О! твердо засохло, не мощно изъяти,Тому не изволте вы ся дивовати:От множества крови так ся прилепила,Як клием весма внутри ся скрепила.Однако ж потребно с похов[1907] истягати,Хотя бы вервием к столпу привязати.

Ту привяжет, за главицу[1908]

тянет, а в то время исходит руски Воин и глаголет

Дай, Господи, здравия вам всем, добрым людем!Во мире и покои мы взаим пребудем,Токмо благоволите то нам известити,Кто зде дерзнул есть себе излиха[1909] хвалити:Равнаго силе своей нигде обретает,Все множество народа един устрашает.Посмотрел бых на него и могл бых познати,Како ж на гордая слова ответ дати.

(И, обратився к Богатырю, глаголет)

Не ты ли, окаянне, гордо восклицашеИ храбрым себе человеком зваше?

Богатырь

Не аз, государь! Некто инный бяше,

Иже скверными усты гордо глаголаше;Прейде мимо пьяница, без ума глашая,Не ведый, что глаголет, от хмеля падая.Ты, яко муж премудры, пьяну не противься:Не может умно рещи — без ума опився.

Воин

Не ты ли сам той, гордо восклицавый,Оружие к столпу умно привязавый?

Малец избежит и речет

Он есть лукавец, иже похвалися.Ты, силны мужу, над ним похрабрися.

Воин к Богатырю

А, лукавы человек! Но иди со мноюНа брань, аз явлю зде месть над тобою.

Богатырь к Воину

Молю, потерпи мало, не могу изъятиМеча ис пошев[1910] его, чим бы воевати.

Зде потягнет и урвет рукоять и сам с нею падет на землю.

Воин

О! право силны! Не мог устояти.Нест кого мечем острым подсекати:Доволно плети за его похвалу,Милость сотворю — отдам ему главу.

Зде наступит на выю и биет плетью, глаголя

Глупый человече! Впредь ты не хвалися,Шилом питайся, за мечь не берися.

Богатырь молится

Пощади, государь мой! Пощади, молюся!Силою никогдаж впредь уж не похвалюся.

Воин, его бия, глаголет: «Не хвалися!» трижды и прогоняет его за завесу и сам за ним забежит.

7