Междукняжеские отношения на Руси. Х – первая четверть XII в.

1. 6592 (1084/85) г. Приходи Ярополкъ ко Всеволоду на Великъ день. В се же время выбегоста Ростиславича 2 от Ярополка. И пришедша прогнаста Ярополка. И посла Всево[ло]дъ Володимера, сына своего, и выгна Ростиславича, и посади Ярополка Володимери. В се же лето Давыд зая грькы в Олешьи и зая у них именье. Всеволодъ же, пославъ, приведе и́, и вда ему Дорогобужь.

2. 6593 (1085/86) г. Ярополкъ же хотяше итина Всеволода, послушавъ злых светникъ. Се уведа Всеволодъ, посла противу ему сына своего Володимера. Ярополкъ же, оставивъ матерь свою и дружину Лучьске, бежа в Ляхы. Володимеру же пришедшю Лучьску, и вдашася лучане. Володимеръ же посади Давыда Володимери въ Ярополка место, а матерь Ярополчю и жену его и дружину его приведе Кыеву, и именье вземъ его.

3. 6594 (1086/87) г. Приде Ярополкъ из Ляховъ и створи миръ с Володимеромь. И иде Володимеръ вспять Чернигову, Ярополкъ же седе Володимери. И переседев мало днеи, иде Звенигороду, и не дошедшю ему града, и прободенъ бысть от проклятаго Нерадьця, от дьяволя наученья и от злыхъ человекъ.

«Поучение» Владимира Мономаха

(ПСРЛ. Т. 1. Стб. 248–249).

1. А на вятичи ходихом по две зиме на Ходоту и на сына его, и ко Корьдну ходихъ 1-ю зиму. И пакы по Изяславичихъ⁵⁰⁰ за Микулинъ и не постигохом ихъ. И на ту весну къ Ярополку совкуплятъся на Броды⁵⁰¹.

2. <…> На ту зиму идохом къ Ярополку совокуплятися на Броды, и любовь велику створихом.

3. <…> И потом ходивъ Володимерю, паки Ярополка посадих, и Ярополкъ умре.