О неисправности церковно-богослужебных книг и их исправлении

Увет Духовной: «К сим же благочестивый и христолюбивый государь царь и великий князь Алексий Михайлович, истинный православия столп и утвержение, оными собранными книгами единеми не удовлися исправити благочестия тайну, умысли здраво, да ни едина их воля, но да и совет вселенских патриархов оных книг о исправлении будет вкупе. И усвоивше богобоязлива мужа именем Мануила грека и с ним грамоты своего царскаго пресветлаго величества, в них же и о погрешенных в книгах вопрошения написа, ко вселенским патриархам посла в то же 7162-е лето. Всесвятейший же вселенский патриарх Паисий цареградский и с ним священный собор благовернаго и христолюбиваго государя нашего царя и великаго князя Алексия Михайловича... писания приемше, собор о сих скоро сотвориша и главизнами на нем содеянными о всех писанных к ним, благочестивому и христолюбивому царю ответ давше и деяние соборное прислаша за своими руками в лето 7163-е, во всем повелевающе последовати древних великих православных восточныя церкве учителей писанием, сущим в ветхих книгах греческих же и славенских. Бе же на том соборе в Константинополи архиереев со святейшим вселенским константинопольским Паисием патриархом, митрополитов православных от различных стран 24: архиепископ един, епископов трое, 11 великия церкве иеромонахов различных чинами. Восписа же всесвятейший Паисий патриарх вселенский ко благочестивейшему государю нашему в грамоте своей сице: о нем же писасте нам даем ответ о всех, Богом венчанный царю, да исправятся якоже лепо... да ни едино разнство имамы, яко чада истинная единыя и тояжде матере, восточныя апостольския соборныя великия Церкве Христовы: и да ни едину вину обретают скверныя еретическая уста оглаголати нас о некоем разнстве, но да стоим во истинном согласии тверди и непоступни» (там же).

«И тако благочестивый и христолюбивый царь от вселенскаго Паисия патриарха о всех писанных ответ прият... сущия в России ветхия греческия же и славенския книги на исправление недовольно вмени, изволи... старца Арсения Суханова послати во Афонскую гору и во иныя святыя старожитныя места к держащим и еще греческаго закона уставы непреложно, яко да и оттуду... старописанныя книги притяжет. И сему сбывшуся, святыя горы Афона боголюбивии начальницы, святых и честных монастырей лавры... изыскавше во своих книгохранительницах книги изрядны и право писаны греческим языком числом 500. В нихже тако суть книги древния, яко от того времене, в неже они писани, прейде лет евангелию 1050... псалтири 600... К сим же уставы, октоихи, триоди, минеи, часословы, и прочия святыя книги: овым убо от них от того времене, егда написаны, приидоша 700 лет: овым же 500, овым 400: и сия вся со оным Арсением Сухановым в царствующий град Москву прислаша. Еще же и от Иерусалима патриарх святейший евангелие шестисот лет писанное присла. К сим святейший александрийский и антиохийский патриархи... и иныя мнози от православных стран, писанием из царствующаго града Москвы прошени, не менее двою сот книг различных древних и святых в него прислаша» (там же).

12. Собор 7163 (1655) года, бывший в Москве, рассмотрев древние греческие и славянские книги, а так же и книги, в Москве напечатанные, нашел, что древние греческие книги и древние славянские во всем сходны между собою, а «московския печатныя» имеют «многая несогласия и погрешения», а потому постановил исправить их чрез сличение с древними греческими и славянскими книгами.