Пророк завоеватель. Уникальное жизнеописание Магомета. Скрижали Моисея. Ярославский метеорит 1421 года. Появление булата. Фаетон

«И глагола Господь Моисею, рекыи: Рци сыном Израилевым, да принесут начаток от всего, им же возлюбися в сердци, дати зачаткы моя. Се же есть зачаткы, иже възмет от них: злато, сребро, медь, и СИНЕТУ, И БАГРЯНИЦЮ, ЧЕРВЛЕНИЦЮ с прядиною и козичиною, и кожа овня ОЧЕРМНЕНУ, висом не рвени, кожа СИНЯ и ДРЕВО НЕГНЕЮЩЕЕ, и КАМЫКЫ САРДАНСКЫЯ, и масло священное, фимиян омазан в масло, възложение фимиану, и камыкы в ваяние ипомеди о крину.

И да сътвориши Ми по всему освящение, и явлюся в вас. И да сътвориши Ми по всему, елико Аз покажю тобе на горе, приклад храму и приклад съсуд его всех. Сице же да сътвориши: КОВЧЕГ СВЕДЕНИА ОТ ДРЕВ НЕГНЕЮЩИХ, двою лакту и пол в долготу, лакти же и пол в широту, полутора же лакти в высоту. И позлати же златом чистым, утрьуду и внеуду позлати и. И сътвориши покрова обратна злата обема. И СКОВЕШИ ЕМУ ОБОДЫ четыре златы, и възложи на четыре углы: ДВЕ ОБОДИ НА ЕДИН УГЛ, ДВЕ ЖЕ НА ВТОРЫЙ УГОЛ. Сътвориши же ногы от ДРЕВА НЕГНЕЮЩА и позлати и, и въстави ногы в ободи, яже суть на углех ковчегу, да подръжит на собе ободи Завета. И да будут ноги не зыблющеся. И вложиши в ковчег Завета, яже дам тебе. И да сътвориши покров ОЦИЩЕНИЮ златом чистым, двою лакту и пол в долготу, лакти ти и пол в широту. И сътвориши два херувима злата изваяна, и възложиши а на полы углу обою ОЦИЩЕНИА.

Да сътворится херувим един от угла сего, а другый от втораго ОЦИЩЕНИЮ. И сътвориши два херувима, раскриляющися верху, и оскриляющи крылы своими ОЦИЩЕНИА, лице же ею к собе, к ОЦИЩЕНИЮ. И да възложиши ОЦИЩЕНИЕ на верх ковчегу. А В КОВЧЕГ ДА ВЛОЖИШИ СВЕДЕНИЯ, ЯЖЕ ДАМ ТЕБЕ. И въвещуся тобе оттуде, и глаголю тебе свыше ОЦИЩЕНИА межу двема херувимома, яже еста над КОВЧЕГОМ СВЕДЕНИА, по всему, елико заповедах тебе к сыном Израилевом. И сътвориши трапезу от злата чиста, двою лакту и пол в долготу, а лакти и пол в широту, лакти же и пол в высоту. И позлатиши златом чистым, и сътвориши ему покров злат, обоямо обращающься. И сътвориши венец пяди обоямо. И сътвориши обращающийся обоямо венца. И СЪТВОРИШИ ЧЕТЫРЕ ОВОДЫ ЗЛАТИ И ВЪЗЛОЖИШИ ЧЕТЫРЕ ОВОДЫ ЗЛАТЫ НА УГЛЫ НА ТРАПЕЗУ, а ободи на четыре ногы ея поди обращающимся венцем. И да будут ободи в обиатие, якоже воздвизати трапезу.

И сътвориши златом чисьтым, и въздвигнется на них трапеза. И сътвориши блюды ей темианникы и съсуды требныя. И чашя, в ня же вливаеши, от злата чиста да створи я. И положиши на трапезе преданна пред мною присно. И да сътвориши светило от злата чиста. Ваянно сътвориши светило: стеблие его, ветви его, и чаша его, и крузи его, и цветци его. От него да будут шесть ветви, исходящи от страну свещилную; три же ветви свещилныа, три ветви от страны единоя; три же ветви свещилныя от страны вторыя; и четыре чаши обличены круговатица, в единой ветви круг и цветец.

Тако же по шествии исходящих от свещала, в свещиле же до четыри чаши обличены круговатице, в единой ветви крузи и цветцы его. Круг под двема ветвема от него, тако же и по шести ветвем, исходящим от светила. Ветви и крузи от нея да будут ваяна от единаго злата чиста. И да сътвориши свещил седмь, и въставиши светила, да светят от единаго лица ему. И пола его, и поставы его от злата чиста, талантом злата чиста. И сътвориши вся сосуды сия. Смотри, да сътвориши по показаному тебе на горе. И храм же да сътвориши: десят опон от БАГРЯНИЦА прядены, и от СИНЕТЫ и от ЧРЪВЛЕНИЦА прядены, и множством имениа делом шевчим да сътвориши а. Дълготу опоне единой двадесят и осмь лакоть опоны единоя, да будут тако ж всем опонам. ПЯТЬ ЖЕ ОПОН ДА БУДУТ СЪДЕРЖАЩИСЯ ДРУГА О ДРУГИ. И сътвориши лукоти спятны, и края опоны единого конца в служение.

Сице же сътвориши на край ОПОНЫ ВНЕШНЯА КО СЛОЖЕНИЮ ВТОРОМУ. Пятьдесят же сътвориши лукотии единой опоне, пятьдесят лактий да сътвориши от края опоны, ПО

СЛОЖНИЮ ВТОРОМУ различию разлежащиа себе кождо. И сътвори пятьдесят проток злат, И СОВОКУПИШИ ОПОНЫ ДРУГ К ДРУЗЕ, и питкы. И будет храм един. И сътвориши попоны ярины же покров на храме, десять попон створишя. Дльгота попоны единоя да будет тридесят лакоть, четыре лакти широта попоны едина мера. Тако же да будет десять попон, И СЪВОКУПИШИ ПОПОНЫ ВКУПЕ. И СЪВОКУПИШИ ЖЕ ШЕСТЬ ПОПОН ВКУПЕ, И ПРЕГНЕШИ ПОПОНУ ПРОХОЖЮ ХРАМА. И да сътвориши лактий пятьдесят на край попоны единоя, СРЕДНЯА ПО СЛОЖЕНИЮ, пятьдесят да сътвориши лактий на край попоны, съвокупляю вторая.

И тако створиши приток медян пятьдесят, съвокупиши притки с лукотми. И ДА СЪВОКУПИШИ ПОПОНЫ, И ДА БУДЕТ ШЕСТЬ ПОПОН ВКУПЕ. И да положиши избывающее попон храмных, закрывавши зад храма, лакти от сего, лакти же от оного от попон храмных. И да будет покрываа съ страну храма, отсюду и отонуде да покрыет. И да сътвориши покров храму кожами овнями, и червасними, и сверху покров с кожами СИНЯМИ.