Святая блаженная Матрона Московская. Помощь рядом!

• О ПОМОЩИ В РЕШЕНИИ ЖИЛИЩНЫХ ПРОБЛЕМ

• О СОХРАНЕНИИ БРАКА

• ОБ ОБРЕТЕНИИ ЛЮБВИ И СЧАСТЬЯ

• О ДЕТЯХ

• О МАТЕРИНСТВЕ

• О ПОМОЩИ В ПОИСКАХ РАБОТЫ

Молитвы святой блаженной Ксении Петербургской

О преславная святая блаженная мати наша Ксение, теплая о нас пред Богом молитвеннице! Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением. Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.

* * *

О святая угодница Божия блаженная Ксения! Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков.

Краткие молитвенные обращения к Ксении Блаженной

Избранная угодница Христова, святая блаженная Ксение, хвалебное пение ти приносим, Радуйся, Ксение блаженная, молитвеннице о душах наших.

* * *

Всякия утоли болезни, блаженная мати Ксение, на тя надеющихся и к помощи твоей усердно притекающих, поминающих душу твою для души своея спасения, како ты завещала еси, Богу же, в тебе прославленному, вопиющих непрестанно: Аллилуйя.

Часть 5 Вопросы и ответы