Том 15 (XVII век)

Отличия между двумя редакциями текста повести (Краткой и Распространенной) и между двумя видами Распространенной редакции (А и Б) не слишком значительны. Текст печатается по списку вида Б Распространенной редакции, отличающейся большей художественной цельностью: БАН, собр. Лукьянова, N 12 середины XVIII в.

ПОВЕСТЬ О ЗАЧАЛЕ МОСКВЫ

Подготовка текста М. А. Салминой и Е. М. Юхименко, комментарии М. А. Салминой

О ЗАЧАЛЕ ЦАРСТВУЮЩАГО ВЕЛИКАГО ГРАДА МОСКВЫ, КАКО ИСПЕРВА ЗАЧАСЯ

Вся убо христианская царства в конецъ приидоша и снидошася во едино царство нашего государя, по пророческимъ книгамъ, то есть Российское царство: два убо Рима падоша, третий же стоитъ, а четвертому не быти[604]. Поистинне же сей град именуется третий Римъ, понеже и над симъ бысть в зачале то же знамение, якоже над первымъ и вторымъ, аще и различно суть, но едино кровопролитие. Первому бо Риму, зиждему[605] от Рома и Ромила[606], и егда начаша Капетелион здати и ров копающе, обретоша главу внове[607] закланна человека, нову

[608] и теплу кровь точащу и лице являющу к живым прилично[609]. Ея же увидев ентинарии, искусный знамениемъ смотритель, и рече, яко сей град глава будет многим, но по времени[610], и по заклании, и по пролитии кровей многихъ[611]. Такоже и второму Риму, сииречь Константинополю, зданию[612] зачало бысть не без крове же, но по заклании[613] и по пролитии кровей многих. Сице же и нашему сему третиему Риму, Московскому государъству, зачало бысть не без крове же, но по пролитии и по заклании кровей многихъ. Аще бо и нецыи от окрестных странъ враждующе поносятъ ему, сице глаголюще: «Кто убо чая или слыша когда, яко Москве-граду царствомъ слыти и многими царствы и странами обладати?» И сии убо немощию человеческою обложени суть[614], не разумеюще силы Божии, ни пророческих писаний, яко всемощен Богъ и от несущаго в сущее привести, якоже искони[615] и вселенную.

В лето убо 6633-го (1125), по преставлении благовернаго царя и великаго князя Владимира Всеволодича Монамаха[616]

, седе на великомъ княжении в Киеве сынъ его, князь Юрий Владимировичь Манамащъ[617], а детей своих, князь Всеволод Юрьевич[618] с нимъ, а другаго сына своего, князя Андрея Юрьевича Боголюбскаго, посади в Володимере.[619] И в лето 6666-го (1158) сему великому князю, Юрию Владимировичю, грядущу из Киева во Владимиръ къ сыну своему, князю Андрею Юрьивичю, и прииде на место, идеже ныне царствующий град Москва,оба полы[620] Москвы-реки. Сими же селы владущу тогда болярину некоему, богату сущу, зовому Кучку Иванову[621]. Той же Кучко возгордевся зело и не почти великаго князя подобающею честию, якоже довлеет[622] великимъ княземъ, но и поносивъ ему к тому[623]. Князь же великий Юрий, не стерпя хулы его, и повелевает болярина онаго ухватити и смерти предати. Сыны же его, видев млады суща и лепы[624] зело, и дщерь едину, такову же лепу сущу, отсла во Владимер къ сыну своему князю Андрею Юрьевичю. Сам же князь великий Юрий Владимировичь возходитъ на гору, и обозревъ с нея очима своима семо и овамо

[625] по обе страны Москвы-реки и за Неглинною[626], и возлюби села оны, и повелевает на месте том вскоре соделати мал древянъ град. И прозва и званиемъ Москва-град по имени реки, текущия под нимъ.[627]

И отходитъ во Владимир къ сыну своему, князю Андрею Боголюбскому, и сочетает бракомъ сына своего со дщерию Кучковою[628], с неюже князь Андрей и сыны прижитъ, но млады отъидоша ко Господу. И бывъ у него довольно время, заповеда сыну своему, князю Андрею, град Москву людьми населяти и распространяти. И паки возвращается в Киевъ, и с нимъ отиде в Киевъ и сынъ его, князь великий Андрей Боголюбский.[629]

Того же лета князь великий Андрей Юрьевичь Боголюбский паки возвратися вспять, и принесе с собою ис Киива во Владимир икону Пресвятыя Богородицы, юже прежде сего принесе из Царяграда[630], и украси ю боле 30 гривенъ злата, кроме сребра, и драгаго камения, и жемчюгу; и созда церковь каменну Успения Пресвятыя Богородицы[631], и верхъ ея позлати, и постави в ней икону Пресвятыя Богородицы, и вда ей села лутчая и десятое по всемъ[632]. Сей убо благоверный великий князь Андрей все упование свое возлагаше на Бога и на Пречистую его Богоматерь, и ни о чемже о земныхъ печашеся[633]

, но токмо достизаше небесная, и яко орел ношашеся периемъ высокопарнымъ и легце возношашеся къ добродетелемъ воздуху. Темъ[634] во устех ему бе Давидъ медоточный[635], и долу легания[636] на жестоко постланне постели и плотскаго смешения со женою си до конца ошаяся[637], и ни во снех ему соблазны женския мечтахуся, паче же рещи[638], яко звездамъ уподобляшеся всякимъ сладкодушиемъ, церкви созидая и нищих удовляя[639]. Удаляя убо удалися от нея, и отбеже бегая и особящаяся на зде бысть птица и нощный вран без сна на нырищи[640].[641] Но сия вся неугодна быша жене его, требоваше бо пригорновения[642] и плотскаго смешения.