Том 15 (XVII век)

Прежде помянутым же шурьямъ его, Кучковичем, возрастъшимъ и живущимъ у великаго князя Андрея в велицей чести, с ними убо жена его совещався, и зло мыслитъ с ними на господина своего, великаго князя Андрея Юрьевича. И по некоемъ времяни отай[643] приводит я к ложу его и предаетъ того в руце врагомъ, супружника своего, яко Сампсона Далида[644] и яко убийственная Тиндарида[645] сожителя своего храбраго ироя. Кая убо щеньца кормящия лвица дерзну когда таковая сотворити, или кая злогневная мечка[646] сице содея? Втекоша убо убийцы оны, окаяньнии Кучковичи, со оружии к нему, яко следящии пси, и обретают его на худе лежаща долу легании. В лето 6683-го (1175) июня в 29 день[647] и убиваютъ его немилостивно, имуща во устех божественная словеса. И кровь убо течаше по земли праведнаго, якоже древле Авелева

[648]. Еще же и ино зло приложиша к тому, яко и тело его предаша водамъ[649]. Но убо не утаися[650] сие всевидящему оку Божию, но вскоре я, убийцы оны, суд постиже, еже явлено бысть и всемъ.

В лето убо 6684-е (1176) прииде ис Киева во Владимиръ брат его, Михайло Юрьевичь[651], и изби убийцы брата своего, и телеса их вверже въ езеро. А жену его повеле повесити на вратех и разстреляти ю изо многихъ луковъ, да накажутся и прочий впредь таковая не творити ктому. И седе на великомъ княжении в Володимере, и быв лете едино, и умре.

И в лето 6685 (1177) седе на великое княжение в Володимере великий князь Всеволод Юрьивичь, и пристави к церкви Святыя Богородицы четыре верхи, юже братъ его созда, князь великий Андрей Боголюбский, и позлати я[652], а на своемъ дворе постави церковь каменну великомученика Димитрия, и верхъ ея позлати[653]

. И бысть имя его славно по всей земли, и на татарех дань имал, и владяше всею землею Рускою и до моря Волгою, 36 лет княживъ и преставися в лето 6720 (1212) апреля въ 25 день.

И по немъ начаша княжити сынове его и сродичи, и быша между ими брани мнози, и нахождения поганых татаръ на Рускую землю, и пленение Руской земли, и побиение многих князей руских от татар, и бысть княжения их лет 25. Оттоле начат Руская земля работати[654] татаромъ. Посемъ начатъ княжити в Володимере великий князь Юрий Всеволодичь[655], при немже бысть батыевщина.

В лето 6745-го (1237) за умножение грех наших приходилъ на Рускую землю злочестивый царь Батый[656]. Тоя же зимы взяша татарове град Москву и князя Владимира Юрьевича[657] взяша, и воеводу Филиппа Няния[658] убиша, и вся люди посекоша и поплениша. И в лето 6746 (1238) благоверный великий князь Юрий Всеволодичь убиен бысть от безбожных татаръ на реце на Сите

[659]. Кирил же епископъ идый з Бела езера, взят тело великаго князя и положи е в Ростове, в церкви Святыя Богородицы. Сего сынове: Всеволодъ, Мстислав, Владимир[660]. Того же 746-го (1238) году прииде из Великаго Новаграда брат великаго князя Юрия, Ярослав Всеволодичь[661], и седе на великомъ княжении во Владимере, а сына своего, князя Александра[662], остави в Великомъ Новеграде. И повеле привести тело брата своего, великаго князя Георгия, и срете[663] его самъ и весь градъ. Сей убо великий князь Георгий Новградъ Нижней созда и монастырь Пресвятыя Богородицы Печерския[664]

. Пребысть же на отчи столе въ Володимере 24 лета. Того же 746-го (1238) году преставися князь великий Ярославъ Всеволодичь во Орде нужною[665] смертию[666]. И прииде из Великого Новаграда во Владимер великий князь Александръ Ярославичь и поиде къ Батыю во Орду. Видев же его Батый, удивися величеству и доброте его и, почтивъ его, отпусти.

В лето 771-е (1263) ноября въ 14 день преставися великий князь Александръ Ярославичь Невский, во иноцех и в схиме[667], и положенъ бысть в Володимере в церкви Рожества Пресвятыя Богородицы. Сего сынове: Василий, Димитрий, Андрей, Данило Московский. И по немъ начаша княжити в Руской земли братия и сынове его и сынъ его, великий князь Данило Московский[668]. В та же лета быша на Рускую землю от татаръ насильства и зла многа. Быша же сынове великаго князя Даниила Московскаго: Юрий, Александръ, Борис, Иванъ, Афанасий[669]. Бысть же княжении сыновъ Александровых и великаго князя Даниила Московскаго лет 40. Сей великий князь Данило паче возлюби в Москве жительствовати, и созда его паче перваго, и гражданы насели, бе бо добродетеленъ и нищелюбив, по премногу и къ Богу имяше веру, и молитву, и слезы велия; и от того прославися и паче Москва-град. Пожитъ же на Москве князь великий Данило Александровичь лет 12, и преставися в лето 811 (1303) марта въ 4 день, и положенъ бысть во своемъ ему в Даниловскомъ монастыре[670]. По немъ начаша княжити в Руской земли сродичи и сынове его и бысть княжения их лет 25.