Том 16 (XVII век, «смеховой мир»)

Тогда раб, который Алексею служил, пришедши ко Еуфимиану, рекл: «Пане, смотри, патр[3620] чтобы тот святой, которого ищут, не был наш пелгрим, который был человек святаго живота и великой покоры и терпливости. Услышавши то Еуфимиан и шел к нему, обрете его умерша. И виде лице его ясно, яко лице анггела. И хотел взять лист из руку его, але не могл. Тогда, вышедши, сказал то княжятом и Папежеви. И они, пришедши ко Алексею, рекли ему: «Хотя есми грешни, але имеем мочь строения посполитого[3621] Сего ради пусти нам тот лист, да видим, что есть написано на нем». Потом сам Папеж приступил и взял лист он из руку его, а он абие испустил его. И повелел Папа че́сти[3622] лист он пред всем множеством людей.

И как Еуфимиан услышал, что был Алексей, сын его, ужаснулся велми и от великия жалости пал взнак[3623] на землю. Потом окрепившися и падши на тело его, почал велми плакать и кричать, глаголющи: «О, Боже Всемогущий, почто еси на мене таковую великую жалость допустил? О, Алексею, сыне мой намилейший, почто еси мене, отца своего, так велми засмутил

[3624] и болезни и воздыхания чрез многие лета дал есми мне? Беда мне, человеку бедному, ибо вижю стража старости моей уже умерша. Коего уже аз имам утешения ждати?»

Услышавши то, матка такоже шла к нему с великою жалостию, поднося очи свои в небо. И как для множества народа не могла прийти к нему, закричала великим гласом, глаголя: «Оставите мне, да бых узрела сына своего, утеху души моей!» И пришедши к телу его, падши на нь, плакала велми, глаголя: «О, Алексею, сыну мой намилейший, свете очей моих, почто еси так к нам немилостив был? Видел еси отца своего и мене, матерь твою, для тебе в печали будущих, а не объявился нам. Слуги твои поругалися тебе, а ты терпел еси!» И целуячи яко бы анггелское обличие его, не престала плакати, глаголя: «Плачите со мною вси, которыя зде есте, ибо седмнатцать лет имела его в дому своем пребывающаго, во особней хлевине[3625], а не знала его, что он мой милый сын был. Слуги же его поругалися ему. Беда мне, и кто же мне даст студницу[3626] слезам моим, да бых во дни и в нощи плакала болезни души моей?»

Была же тамо и жена Алексеева, которая такожде велми плакала, глаголя: «О, Алексею, облюбениче[3627] мой, прочто еси мене, горлицу печали, оставил еси и не объявился еси мне? Прочто еси мене, не объявяся, вдовою оставил еси? Плачите со мною вси людие, ибо уже удалилася от мене вся надежа веселия и половина души моей уже умерла. Сего ради иного утешения не имам видети, едино, чтобы моего облюбеника наследовала»[3628]

.

Услышавши то, вси людие плакали велми. Потом Папеж со княжаты, вложивши тело Алексея на мары[3629], и несли е́ посреде града. Тогда, как людие увидели, что обретоша святаго мужа, которого весь град искал, вышли все против телу святаго Алексея. И койждо[3630] был болен каким недугом и притянулся[3631] тела его, абие был здрав. Слепни брали взрок[3632], опутании от диаволства брали избавление, и вси немощнии, какою болезнию были заражени и притинелися телу его, здравы были. Видяще те дивы, княжата и Папеж несли сами тело святаго Алексея до гроба. А как не могли пройти для множества людей, сего ради велели метати злато и сребро, чтобы людие металися к злату и сребру и дали бы тело доправадити

[3633] до гроба. А людие, оставивши пенязи, теснилися вси к телу святаго Алексея. И тако с великим трудом доправили тело его до костела Святаго Внифантия.[3634] И тамо были чрез седмь дней, хваляще Бога. Потом дали[3635] ему учинити гроб коштовный, златом, сребром и драгим камением украшен, и в нем положили тело его с великою почестию.

А умер святый Алексей року Господня 329-го.

ПРИКЛАД О ДИВНОМ ПРОМЫСЛЕ БОЖИИ И О ПОЧИТАНИИ СВЯТАГО ГРИГОРИЯ

[3636]

Король един именем Паркус Мудрый[3637] кралевал, которой имел единаго сына и дщерь едину, юже он велми любил. Егда же он состарелся и рознемоглся велми и познал, яко не быти ему живу, призвал к себе всех панов своих, рыцарей и княжат и рекл им: «Ведайте, милые панове, что уже жив не имам быти. И ни единого попечения в мысли своей не имам, разве о том, что не выдал есмь дщери своей замуж. И я тебе, сыну моему, приказываю (яко ты еси сын мой и наследник мой) под моим доброречением[3638], чтобы ты ю замуж выдал, как по королевскому звычаю подобно, и чтобы еси сестру свою в чести имел». И рекши то слово, умер. И была велика жалость во всем граде о умертвии его.