Древние Литургии

Иерей: Да будет всем, иже от них причащающимся, во оставление грехов и в жизнь вечную.

Все: Аминь.

Иерей: Во освящение душ и телес.

Все: Аминь.

Иерей: В плодоношение дел благих.

Все: Аминь.

Иерей: Во утверждение святой Твоей соборной и апостольской Церкви, юже основал еси на камене веры, да врата адова не одолеют ея, избавляя ю от всякия ереси и от соблазна делающих беззаконие, сохраняя ю даже до скончания веков (благословляет чашу и дискос).

Все: Аминь.]

Еще помяни Господи, усопших рабов Твоих (чтение имен усопших по диптихам)

, со знамением веры предваривших нас и покоящихся сном мира. Молим Тебя, Господи, даруй им и всем, упокоившимся во Христе, место прохлады, света и мира чрез Христа, Господа нашего.

Хор: Аминь.

И нам, смиренным и грешным рабом Твоим, уповающим на множество милости Твоея, благоволи даровати часть и общение со святыми Твоими апостолами и мучениками, не яко воздаяние за дела наша, но яко милость Твою чрез Христа, Господа нашего.

Хор: Аминь.

Снимает с Чаши покров и крестообразно вливает теплоту в чашу:

Чрез Него же Ты, Господи, всегда твориши вся благая сия, + освящаешь, + животворишь, + благословляешь и обильно подаешь нам, рабом Твоим, к укреплению веры и прощению всех грехов наших.

+ Чрез Него и + с Ним и + в Нем Тебе, всемогущему Богу Отцу, в единстве Святого Духа, всякая честь, сила и слава, держава, + бессмертие + и власть + в бесконечные веки веков.

Хор: Аминь.

Священник раздробляет при помощи копия Агнец на две части, и одну из них еще на две части, говоря:

Тело Твое раздробляется, Христе, и Чаша благословляется. Кровь Твоя да будет нам всегда к жизни и ко спасению души, Боже наш.

Опуская малую частицу в Чашу, говорит:

Соединение освященного Тела + и Крови + Господа нашего Иисуса Христа да будет нам, вкушающим, жизнью и радостью вечной.

Хор: Аминь.

Священник:

Спасительными заповедями наученные и божественным наставлением руководимые, со дерзновением глаголем:

Все поют (читают) Молитву Господню.

Священник: Яко Твое есть Царство и сила, и слава Отца и Сына и Святаго Духа, ныне и присно и во веки веков.

Хор: Аминь.

Священник:

Избави нас, молим Тебя, Господи, от всех зол прошедших, настоящих и будущих, и предстательством Преславной Приснодевы и Богородицы Марии со святыми апостолами Твоими Петром и Павлом, Андреем и Иаковом и Амвросием, исповедником Твоим и архиереем, и всеми святыми твоими: умири, Милостиве, дни наши, да укрепляемые помощию милосердия Твоего от греха освободимся, хранимыя от всякого смятения, чрез Господа нашего Иисуса Христа, с Тобою живущего и царствующего, яко Бог, во единстве Святаго Духа, во вся веки веков.

Хор: 

Аминь.

Священник:

Мир и причастие Господа нашего Иисуса Христа да будет всегда с вами.

Хор: И со духом твоим.

Священник:

Возлюбим друг друга.

Хор: Благодарение Богу.

Священник тихо молится:

Мир на небеси, мир на земли, мир во всяком народе, мир пресвитером церковным, мир Христа и Церкви да будет всегда с нами.

(Громко) Господу помолимся.

Хор: 

Господи, помилуй.

Священник громко читает молитвы пред причащением: Господи Иисусе Христе, рекший апостолом Твоим: "Мир Мой оставляю вам, мир Мой даю вам", не призри на грехи моя, но на веру Церкви Твоей, и по воле Твоей благоволи примирити ю и соединити во Христе, живущий и царствующий во веки веков.

Хор: Аминь.

Священник: Господи Иисусе Христе, Сыне Бога живаго, по воле Отчей, при содействии Духа Святаго оживотворивый мир смертию Твоею, избави мя чрез сие святейшее Тело и Кровь Твою от всех неправд моих и всех зол, и сотвори, да поучуся присно заповедем Твоим, и не попусти мне никогдаже отступити от Тебе, с Богом Отцом и Духом Святым живущего и царствующего, яко Бог, во веки веков.

Хор: Аминь.

Священник: Причащение Тела и Крове Твоея, Господи Иисусе Христе, еже аз, недостойный прияти желаю, да не будет мне в суд или во осуждение, но да будет в ограждение и исцеление души и тела по благости Твоей.

Хор поет Аминь и причастен дня (праздника) по обычаю.

* Здесь можно закрыть Царские врата и завесу.

Священник раздробляет копием вторую малую часть св. Хлеба на количество причащающихся священнослужителей. Творит обычные поклоны и, приняв в ладони Тело Христово, произносит:

Святый Господи, всемогущий Отче, вечный Боже, даруй мне прияти Тело сие Иисуса Христа, Сына Твоего и Господа моего, и да не будет оно мне во осуждение, но во оставление всех грехов моих.

Перед причащением Крови Христовой произносит: