Мифология пространства древней Ирландии

Senchas cía lin noniarfaigsliged Dala dag-bríathraig,ind fhir dangin cen dingeco fúair mandir mílinde?Dalo don Scithia scíathaig,mac Edlicon iltríathaig,sund robái ic brait, ic borb-guin,ic slait is ic sír-orguin.Cethrar tancatar tar tuind,munter Edlicon imthruim,dáig bat sith-eclaig slúagid,re Scithecdaib scíath-úanib.Dalo ba fallán fri feirc,ocus Cannán co crúaid-cheird,Cré is Caire na clethchor,ba lúath maige in mór-chethror.Dalo tathaim diarbo thimу fuair fachaid is imchim,conid úad, cid fáen a airmfofúair in ráen a ríg-ainm.

‘Ca chaslib fri fand-ág fírtorchair Cannán in cath-míl:rogab túaid in síthbe-seclúain Channáin críche Éle.Sétig Dala Cré na crech,cen gné n-étig n-imthorsech,co fúair i fus brath is brón,icon rus co rath romór.Caire, ba ben Channáin chrúaid,co mbraine barráin bith-rúaid:ic dún Chairin cét costudfúair éc ocus imfhostud.Is н sin a fodail fhíriar scur monair is mígním,feib fúair tria munigud massa sudigud, a senchas. {S.}Táthaim buidin do brethaib,do churib, do chóem-srethaib;fil lem dliged is damna,senchas sliged sóer-Banba.

Cóic róit Hérenn cen glór camm,Slige Mór, Slige Chúalann,Slige Dala thréin túachail,ocus Slige Midlúachair.Slige Assail maic Dóir Duinni crích móir Midi mór-Chuinn:in cóiced rót co ngné glas,cid й ní óc a shenchas. {S.}Bátar fo díamar duligic Fíannaib ic Fomurib;co ngénair Conn cét cathaní fríth in sét sen-fhlatha.Ó rogénair Conn cen chair,rosfégaid rosfetabair,tria gním chóicfhir roscindatát óic-fhir ‘ca n-imrimm.Iar fhuin gréne ba geis duldo Themraig co trén-chostud:d’fhiur na geisi ba glegrachdochum fesi fír-Themrach.

Aidche Samna co sós senba damna do nós núa-mer:frítha a díamraib, a dairib,у shíabraib, у shídaigib.Díbergaig Midi, mét marc,tucsat d’Assal écomnart:rolensat úa Domblais déin,dia fúair in soglais soréid.Midlúachair, miriu cech máin,mac do Damairne delb-cháin:Damairne co serc-blaid sainmac Deccraig maic Diupaltaig.Úa ríg Srúba Brain bailbeMidluachair mac Damairne,fer co finib ‘na fhuradfúair sligid na sen-churad.Sétna Secc-derg, slaide slóig,mac Durbudi daiger-móir,fer cen cirdubad, cen fhell,drúid Irmuman ‘na thimchell.

Is rempu-sin, rodasní,mac dorn-sholus Durbuidi,oc saigid óc do Themraigfúair rót Dala deg-menmnaig.Mac Eogabail, co ceird crúi,cosna gleó-galaib gnáth-núi,fúair sligid na slúag-arm seni crích Cúalann na coibden.Sab rainne Hérenn i ndóEscir Riada, ní róen-gó,dianid comainm fo glór glanSlige Mór, mó cech mór-mag.Nár mac Oengussa irgthig,a crích Umaill ech-cairpthig,fúair sligid na ngorm-lann nglass,ria finib Domnann drech-mass.Is amlaid-sin fofríthana sligthi, na sen-chrícha,mar fhúarus a mbunad mbrass,a ndúalus, a ndind-shenchas. {S.}[276]