"Русская Ганза". Жизнь Немецкого подворья в Новгороде, 1346–1521 годы.

Олдермены и мудрейшие, ныне пребывающие в Новгороде.

Den erwerdyghen Borgermesteres und rad der stat Reval sal dusse breff etc. etc.

Unse wruntlike grote und wes wy gudes vermögen. Ersamen leven heren, juwer ersamygheyt geleve to weten, dat dey prester nu to der tiit hyr wesende an uns hevet gesant in eyner gemeynen Steven iij gesellen unn ys beklagede west, dat men em syn Ion affbreke. Des wetet, leven heren, als dey prester hyr quam, do heylt dey kopman eyne gemeyne Steven und leyt synen breff lezen, den eme dey rat van Lub(eke) medegegeven hadde. Also bespak syk dey kopman und overwogen dat, dat dey hove vele tachter weren, und sanden ij gesellen an eme unn leyten ene vraghen, offte hey op datsulve Ion wolde deynen als her Gerwyn syn vorvar, den hyr dey rad van Darpte santé, des syn Ion was v st(ucke), und segeden eme, dat hey syck darop bedechte und enbode deme kopmanne eyne antworde; und weret ok sake, dat et eme nycht gedelyck en were, so wolde eme dey kopman geven eyn halff st(ucke) ut deme lande und eyn halff st(ucke) int deme lande, als vere als hey nycht en wolde deynen op dey v st(ucke). Aldus so antworde hey op en kort, dat hey darumme hyr gekommen were, dat hey deme kopman deynenn wolde, und wanner dat hey utgedent hedde, wes em dan dey kopman geve, dar solde eme wol ane genoghen. Hyr enboven so hevet hey syck beklaget, als wy juwer ersamygheit alreyde in dessen breve gerort hebben. Dar enboven so sande wy dey stede ut, wer men em syn vulle Ion solde geven eder nycht; des brechen dey stede weder in, dat ment solde utscryven an dey bynnenlandeschen stede, wes eme dey tosegheden, dar solde deme kopmanne wol ane genoghen. Hyrumme, ersamen leven heren, weset hyrinne vordacht, wante dey hove synt vele tachter und dey kopman kommet hyr tomale swack und dey hove vervallen van jar to jaren und sal men so dane kostet Ion ut geven so moghe gy jw dar mede op säten und syn darinne verseyn, dat dat gelt van dar herkomme, wante sunte Peter ys vele tachter unn vermach es nycht. Ok so wetet, leven heren, dat syk her Gerwyn hyr verwaret hevet an deme kopmanne, wert sake dat jenych prester, dey na eme queme, mer kreghe dan men eme gaff, so hevet eme dey kopman gegunt, dat hey dessulven geneten sal, des dey genuten. Hyrop, leven heren, so byddde wy umme eyn gud antword met den ersten, und syt gode salych und gesunt bevolen. Gesc(reven) to Nowerden des vrydages vor lychtmysse int jar uns heren xiiij — c xv.

Olderlude und wysesten nu tor tiit to Nowerden wezende etc. etc.

58

Купцы с Немецкого подворья сообщают городскому совету Ревеля о возврате товаров, арестованных новгородскими властями, и о своих переговорах с новгородцами по поводу насилий и ущерба, совершённых в Ревеле в отношении Зиновия Скоратника по прозвищу Рыжий Жиган; если ему не будет дано удовлетворения, ганзейцев в Новгороде ожидает задержание.

25 апреля 1440 года.

Опубл.: LEKUB 1. Bd. 9. № 582. S. 426–428.

Почтенным господам, бургомистрам и совету города Ревеля, следует [вручить] это письмо.