Том 15 (XVII век)

А в сиденье свое осадное имели мы, грешные, постъ в те поры и моление великое и чистоту телесную и душевную. Многие от насъ люди, искусные в осаде, то видели во сне, и вне сна, ово[861] жену прекрасну и светолепну, на воздусе стояще посреди града Азова, ини — мужа древна власы[862], в светлых ризах, взирающи на полки бусурманския. Ино та насъ Мать Божия Богородица не предала в руце бусурманския, и на них нам помощъ явно дающе, вслух нам многим глаголюще умилным гласомъ: «Мужайтеся, казаки, а не ужасайтеся! Сей бо град Азовъ от беззаконных агарянъ

[863] зловерием их обруганъ[864], и суровством их нечестивым престолъ Предотечинъ и Николинъ оскверненъ. Не токмо землю в Азове или престолы оскверниша, но и воздух над ним отемниша, торжище тут и мучителство христианское учиниша, разлучаша мужей от законных женъ, сыны и дщери разлучаху от отцовъ и от матерей[865]

. И от многово того плача и рыдания земля вся христианская от них стонаху. А о чистых девах и о непорочных вдовах и о сущих младенцъ безгрешных и уста моя не могутъ изрещи, на их обругания смотря. И услыша Богъ моления ихъ и плачь. Виде создание рукъ своих, православных христианъ, зле погибающе, дал вам на бусурман отомщение, предал вам град сей и их в руце ваши. Не рекутъ нечестивый: „Где есть Богъ вашъ христиански?" И вы, братие, не пецытеся[866], отжените[867] весь страх от себя, не поястъ вас никой бусурманской мечь. Положите упование на Бога, приимите венецъ нетленной от Христа, а души ваши приметъ Богъ, имате царствовати со Христом во веки».

Атаманы многие ж видели: от образа Иванна Предотечи течаху от очей ево слезы многия по вся приступы. А первой день, приступное во время, видехъ ломпаду полну слезъ от ево образа. А на выласках от насъ из города все видеша бусурманы — турки, крымцы и нагаи — мужа храбра и млада в одеже ратной, с одним мечемъ голым на бою ходяще, множество бусурманъ побиваше. А наши не видели. Лишо мы противу убитому[868] знаемъ, што дело Божие, а не рукъ наших: пластаны люди турецкие, а сечены наполы[869]. Послана на нихъ победа с небеси! И оне о том насъ, бусурманы, многажды спрашивали: «Хто от васъ выходитъ из града на бой с мечемъ?» И мы им сказываемъ: «То выходят воеводы наши».

А всего нашего сидения в Азове от турокъ в осаде было июня зъ 24 числа 149 году до сентября по 26 день 150 году. И всего в осаде сидели мы 93 дни и 93 нощи. А сентября въ 26 день в нощи от Азова-города турецкие паши с турки и крымской царь со всеми силами за четыре часа до свету, возмятясь окаянные и вострепетась, побежали, никем нами гоними. С вечным позором пошли паши турецкие к себе за море, а крымской царь пошол в орду к себе, черкасы пошли в Кабарду свою, нагаи пошли в улусы все. И мы, какъ послышали отходъ ихъ ис табаровъ, ходило насъ, казаков, в те поры на таборы их тысяча человекъ. А взяли мы у них в таборех в тое пору языковъ, турокъ и татаръ живых, четыреста человекъ, а болних и раненых застали мы з две тысящи.

И нам тея языки в роспросех и с пыток говорили все единодушно, отчево в нощи побежали от града паши их и крымской царь со всеми своими силами: «В нощи в той с вечера было нам страшное видение. На небеси, над нашими полки бусурманскими, шла великая и страшная туча от Руси, от вашего царства Московского. И стала она противъ самаго табору нашего. А перед нею, тучею, идут по воздуху два страшные юноши, а в руках своих держатъ мечи обнаженые, а грозятся на наши полки бусурманские. В те поры мы их всех узнали. И тою нощию страшные воеводы азовские во одежде ратной выходили на бой в приступы наши из Азова-города. Пластали нас и в збруяхъ[870] наших надвое. От тово-то страшново видения бег пашей турецких и царя крымского с таборов».

А нам, казакам, в ту же нощь, с вечера в виде се всемъ виделось: по валу бусурманскому, где их наряд стоялъ, ходили тутъ два мужа леты древны. На одном — одежда иерейская, а на другом — власяница мохнатая. А указываютъ нам на полки бусурманские, а говорятъ нам: «Побежали, казаки, паши турецкие и крымской царь ис таборъ. И пришла на них победа Христа, Сына Божия, с небесъ и от силы Божия».