Том 15 (XVII век)

ВАРИАНТ ОКОНЧАНИЯ:

И егда же приспе время июля 8-го числа, бысть праздник Пресвятыя Богородицы Казанскиа. Абие повелеваетъ царь болящаго оного Савву нести до церкви. Бысть же в той день хождение крестное из соборныя апостолския церкви Пресвятыя Богородицы, в том же году был и самъ царь.

И егда же начаша Божественную литоргию, принесенну же бывшу болящему оному Савве и положену вне церкви на ковре. Егда же бо начаша пети херувимскую песнь, и се внезапу бысть глас, яко бы громъ велий возгреме: «Савво, востани, что бо медлиши, и прииди в церковь! Мню, здравъбудеши. К тому не согрешай». И абие спаде[150] от верху церкви богоотметное оное писание Саввино, все заглажено, что никогда же писано, пред всем народом.

Царь же, видевъ сие чюдо, велми подивися. Болный же той Савва скочивъ с ковра, яко бы никогда болевъ, и притече скоро в церковь, паде пред образом Пресвятыя Богородицы, нача со слезами глаголати: «О преблагословенная Мати Господня, христианская заступница и молебница о душахъ наших к сыну своему и Богу! Избави от пропасти адския, азъ вскоре исполню обещание свое».

Сие же слышавъ, великий государь, царь и великий князь Михайло Феодоровичь всея России повеле призвати к себе оного Савву, и воспросивъ ево о бывшемъ видении. Он же поведа ему все по ряду и показавъ писание свое. Царь же подивися зело милосердию Божию и несказанному чюдеси.

Егда же отпеша Божественную литоргию, поиде Савва в домъ сотника Иакова Шилова. Сотникъ же той и жена его, видевъ над нимъ милосердие Божие, благодарив Бога и Пречистую его Богоматерь. Потом же Савва раздавъ все имение свое, елико имеяше, убогимъ, сам же иде в монастырь Чюда архистратига Михаила, идеже лежатъ мощи святителя Божия Алексия митрополита, еже зоветца Чюдовъ. И восприятъ иноческий чинъ, и нача тутъ жити в посте и молитвахъ, безспрестанно моляся Господеви о согрешении своемъ. В монастыре же оном поживъ лета доволна, ко Господу отиде, идеже святии пребываютъ. Буди же Вседержителю Богу слава и держава во веки вековъ, аминь.

«Повесть о Савве Грудцыне» публикуется по списку РНБ, Q. 1.762 (середина XVIII в.), л. 73 об.—99 об. По классификации М. О. Скрипиля (ТОДРЛ. Т. V. М.; Л., 1947. С. 225—308) список принадлежит к первому варианту I редакции. В этом списке сюжет передан достаточно точно, но архаизированный язык произведения несколько облегчен. Исправления, дополнения и вариант окончания даны по списку РНБ, Q. XVII. 196 (середины XVIII в.), л. ПО—122.

ПОВЕСТЬ НИКОДИМА ТИПИКАРИСА СОЛОВЕЦКОГО О НЕКОЕМ ИНОКЕ

Подготовка текста и комментарии А. В. Пигина

ПОВЕСТЬ ДУШЕПОЛЕЗНА СТАРЦА НИКОДИМА СОЛОВЕЦКАГО МОНАСТЫРЯ О НЕКОЕМЪ ИНОКЪ