Том 15 (XVII век)

Царь же, слышавъ о Савве таковы глаголы, рече предстоящимъ, да бываетъ у онаго сотника, у болнаго онаго, повсядневное изменение[140] караулщиковъ. И посылаютца по два караулщика, да надзираютъ опасно[141] юношу онаго от соннаго бесовскаго мучения, да во огнь или в воду никако ввержется. Сам же благочестивый царь посылаше к болящему повсядневную пищу. И егда здравъ болны явитца, повелеваетъ возвестити себе.

И сему тако бывшу, болны немало время в таковомъ бесовскомъ томлении пребысть. И месяца июля в 1 день Савва же необычно от беса мучен бысть.

Заспа мало, и бысть: во сне яко наяву глагола, изливая слезы из очей своихъ, сице рече: «О Всемилостивая Госпоже Дево Владычице Богородице, помилуй мя! Не солгу в сердце, но исполню обещанием, якоже обещахся тебе». Дому же того людие, слыша таковые глаголы от болнаго, зело удивишася, глаголюще, яко видение некое видитъ.

Егда же болны возбудися[142], приступи к нему сотникъ и рече: «Повеждь ми, господине Савва, что таковые глаголы во сне видевъ и кому реклъ еси?» Он же, паки начатъ убо омывати лице свое слезами, глаголетъ: «Видехъ ко одру моему пришедшу жену святолепну, светлостию сияющу и ризу багряну носяще, с нею же два мужа, сединами украшены, во одежде единъ в архиерейской, а другий во апостолской одеяны. И я мню быти жену оную Пресвятую Богородицу, мужей же: единаго же наперсника[143]

Господня Иоанна Богослова, втораго неусыпнаго града нашего Москвы архиерея Петра митрополита, их же подобия образъ виделъ. И рече ми святолепная оная жена: Что ти есть, Савва, и что скорбиши? Азъ же реклъ ей: Скорблю, моя Владычица, прогневахъ Сына твоего и Бога моего и тебя, заступницу рода христианскаго, и за то бесъ мучитъ мя». Она же осклабися[144] и рече ми: Како ты можешъ выручити писание свое, еже ты подал самому Диаволу? И аз рекъ ей: Не могу, Владычице, аще не помощию Сына твоего и твоею милостию». Она же ми рече: Азъ убо о тебе Сына моего и Бога упрошу, токмо единъ мой глаголъ исполни: аще избавлю тя от беды сея, хощеши ли инокъ быти? Азъ же молебные глаголы со слезами глаголахъ ей, якоже и вы слышавше. Она же паки рече: Слышиши ли, Савва? Егда убо приспеет[145] праздникъ явления образа моего, еже в Казани, ты же прииди во храмъ мой, иже на площади у Ветошнаго ряду, и азъ пред всемъ народомъ покажу велие чудо». И сия изрече, невидимы бысть».

Сия же сотникъ от Саввы слышавше, паки повелеваетъ и посылаетъ жену свою к вышереченной сроднице, дабы возвестила паки царю о семъ, и абие возвещено бысть видение царю. Царь же повелеваетъ хранити его.

И егда же прииде праздникъ Казанския Богородицы, что в Китае[146], июля 8-го числа, и повеле царь привести болящаго во храмъ ея, Пресвятыя Владычицы нашея Богородицы, нарицаемыя Казанския. Якоже николи[147] же болев, поиде ко образу и падъ на землю и начатъ глаголати со слезами и сокрушениемъ сердца, рече: «О Преблагословенная и Преблагая, Честнейшая Мати Христа Бога нашего! Благодарю тя за неизреченное твое милосердие, яко избавила мя еси от погибели и настави мя, на путь покаяния обрати мя». Народу же зрящу на онаго Савву и слышавше глаголы его, удивишася.

Царь же узревъ его. И егда нача пети Божественную литоргию, а Савве лежащу среди церкви на ковре, и видевъ Савва пришедшу жену, в белых ризахъ одеянну, всякими лепотами сияющу, глагола ему: «Савва, отселе будеши здравъ; к тому не согрешай и повеление мое да исполни: буди инокъ». И с того часа получи Савва себе здравие, и се невидима бысть. И тако получи неизреченную славу Савва, и прииде во ум свой и не чающе болезни в себе, яко никогда боле, и воста на нозе[148]

свои.

Царь же рече: «Не сей ли трудившийся[149], еже по повелению моему принесенъ бысть во храмъ?» Отвещав же некто боляринъ его, стояще, яко «той есть Савва». Царь же повеле его вопросити, како воста от таковыя тяжкия болезни. Вопрошенну же бывшу Савве, Савва же поведати о себе нача вся бывшая над нимъ, и о неизреченномъ чудеси явления образа Пресвятыя Владычицы нашея Богородицы, како избави его от тмы греховныя.

Царь же, благодаря Бога (возвещено о чудеси надъ онымъ Саввою) и Пречистую Богородицу, и возрадовася радостию велиею. И какъ отпевше святую литоргию, Савва же нача молебное пение пети Пресвятеи Богородице и, немного дней помедливше, прииде в церковь святаго архистратига Михаила и восприятъ монашеский чинъ и благодарив Пресвятую Богородицу. И поживъ летъ доволно, и преставися, ко Господу душу предаде. Богу нашему слава ныне, и присно, и во веки вековъ. Аминь.

КОММЕНТАРИЙ

«Повесть о Савве Грудцыне» написана в 60-х гг. XVII в. как эпизод из недавнего прошлого. Она начинается с 1606 г., когда «попусти Бог на Московское государство... Гришку Отрепьева»; герой принимает участие в борьбе с поляками за Смоленск в 1632—1634 гг. Безымянный автор пишет не историю России, он рассказывает о частной жизни купеческого сына Саввы Грудцына. Повесть на русском материале разрабатывает фаустовскую тему: тему продажи души дьяволу за мирские блага и наслаждения.