Читаем Цветная Триодь (на цсл., гражданский шрифт) полностью

Ка́мень гро́бный запеча́тати не возбрани́в, ка́мень ве́ры воскресы́й по́дал еси́ всем, Го́споди, сла́ва Тебе́.

Стих: Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́.

Я́ко во́лны морски́я воста́ша на мя́ беззако́ния моя́, и я́ко кора́бль в пучи́не, аз еди́н погружа́юся согреше́ньми мно́гими: но в ти́хое приста́нище наста́ви мя́ Го́споди, покая́нием, и спаси́ мя.

Стих: Ди́вен Бог во святы́х Свои́х, Бог Изра́илев.

Му́ченичен: Тебе́ оде́ющаго не́бо о́блаки, иму́ще святи́и одея́ние, в мiре му́ки от беззако́нных претерпе́ша, пре́лесть и́дольскую упраздни́ша. Тех моли́твами и нас свободи́ от неви́димаго врага́ Спа́се, и спаси́ ны.

Сла́ва, и ны́не, Богоро́дичен: Благоутро́бия су́щи исто́чник, ми́лости сподо́би нас Богоро́дице, при́зри на лю́ди согреши́вшия, яви́ я́ко при́сно си́лу Твою́: на Тя́ бо упова́юще, ра́дуйся, вопие́м Ти́, я́коже иногда́ Гаврии́л безпло́тных архистрати́г.

И чте́ние.


По 2-м стихосло́вии, седа́лен, глас 2. Подо́бен:

Вы́шних ищя́:

Мν́ра те́пле гро́бу прино́сят жены́ Спа́се, а́нгела све́тлостию ду́ши веселя́ху, и Бо́га Тя́ всех пропове́даху, и ученико́м вопия́ху: вои́стинну воскре́се из гро́ба всех Живо́т.

Сла́ва, и ны́не: то́йже.

И чте́ние.


Та́же, Воскресе́ние Христо́во: еди́ножды, и Псало́м 50.


Кано́н пра́здникасо ирмосы́ на 8, и Мине́и на 4. По 3-й пе́сни, седа́лен свята́го. По 6-й пе́сни конда́к пра́зднику:

Ра́доватися мνроно́сицам:
И и́кос. И чтем Про́лог.

Ексапостила́рии пра́здника: Сла́ва, свята́го: И ны́не: пра́здника.


На хвали́тех стихи́ры на 4, глас 2:

Вся́кое дыха́ние и вся́ тва́рь, Тя́ сла́вит Го́споди, я́ко Кресто́м сме́рть упраздни́л еси́, да пока́жеши лю́дем, е́же из ме́ртвых Твое́ Воскресе́ние, я́ко еди́н Человеколю́бец. Два́жды.

Соде́янных мно́ю лю́тых помышля́я безме́стная, к Твои́м прибега́ю щедро́там, мытаря́ подража́я, и блудни́цу слези́вшую, и блу́днаго сы́на. Те́мже и припа́даю Ти́ Ми́лостиве, пре́жде да́же не осу́диши мя́, пощади́ мя Бо́же, и поми́луй мя́.

За Христа́ пострада́вше да́же до сме́рти, о страстоте́рпцы му́ченицы! Ду́ши у́бо и́мате на небесе́х в руце́ Бо́жии, и по всему́ мiру почита́ются ва́шя мо́щи, свяще́нницы и ца́рие кла́няются, и лю́дие вси́ веселя́тся, и мы́ обы́чно вопие́м: сон честны́й пред Го́сподем сме́рть преподо́бных Его́.

Сла́ва, и ны́не, глас 2: Приидо́ша на гроб Магдали́на, и друга́я Мари́а, и́щуще Го́спода, и а́нгела ви́деша я́ко мо́лнию седя́ща на ка́мени, и глаго́люща им: что́ и́щете жива́го с ме́ртвыми? Воскре́се, я́коже рече́, в Галиле́и Его́ обря́щете. К Нему́ же возопии́м: воскресы́й из ме́ртвых, Го́споди, сла́ва Тебе́.


На стихо́вне стихи́ры пра́здника, глас 6: Подо́бен: Тридне́вен:

Начни́те лю́дие псало́мски, воспо́йте Христа́ с ра́достию: Па́сха ве́лия возсия́ нам, воскресы́й из гро́ба Христо́с Жизнода́вец, и Изба́витель всего́ созда́ния.

Стих: Благоволи́л еси́ Го́споди зе́млю Твою́, возврати́л еси́ плен Иа́ковль.

Ра́доватися мνроно́сицам рек, Е́вино осужде́ние разруши́в, и ра́дость ученико́м воскре́с посыла́еши, пропове́дати е́же из гро́ба тридне́вное Твое́ Воскресе́ние.

Стих: Ми́лость и и́стина срето́стеся, пра́вда и мир облобыза́стася.

Па́сху честну́ю и святу́ю, Христо́с нам озари́, прииди́те вси́ просвети́мся душа́ми: се́ бо ны́не де́нь возсия́, в сий ра́дуйтеся и весели́теся.

Сла́ва и ны́не, глас 2:

Возлия́ша мν́ра со слеза́ми, на гроб Твой жены́, и испо́лнишася ра́дости уста́ их, внегда́ глаго́лати: воскре́се Госпо́дь.


Та́же, Бла́го е́сть испове́датися Го́сподеви: И тропа́рь. Ча́с 1-й. И отпу́ст.

Последование Литургии в понедельник третьей седмицы по Пасхе

На литурги́и, на блаже́ннах, пе́снь 1-я пра́здника, на 6.


По вхо́де тропари́: Благообра́зный Ио́сиф: Егда́ снизше́л еси́ к сме́рти: Мνроно́сицам жена́м: И хра́ма свята́го: И тропа́рь свята́го, а́ще е́сть. А́ще ли бу́дет и друга́го свята́го тропа́рь, то́ рцы́ его́: та́же конда́к хра́ма. Сла́ва: свята́го. А́ще ли бу́дет и друга́го свята́го конда́к, та́кожде рцы́ его́: И ны́не: конда́к пра́здника: Ра́доватися мνроно́сицам:

Перейти на страницу:

Похожие книги

Правила святых отцов
Правила святых отцов

Во Славу Отца, Сына и Святого Духа, Единого Бога ПИДАЛИОН духовного корабля Единой Святой Соборной и Апостольской православной Церкви, или все священные и Божественные Правила святых всехвальных апостолов, святых Вселенских и Поместных соборов и отдельных божественных отцов, истолкованные иеромонахом Агапием и монахом Никодимом.«Пидалион», в переводе с греческого «кормило», представляет собой сборник правил Православной Церкви с толкованиями прп. Никодима Святогорца, одного из величайших богословов и учителей Церкви. Работая в конце XVIII века над составлением нового канонического сборника, прп. Никодим провел большую исследовательскую работу и отобрал важный и достоверный материал с целью вернуть прежнее значение византийскому каноническому праву. «Пидалион» прп. Никодима – плод созидательной и неослабевающей любви к Преданию. Православный мир изучает «Пидалион» как источник истинного церковного учения. Книга получила широкое распространение – на сегодняшний день греческий оригинал «Пидалиона» выдержал 18 изданий и переизданий. На русском языке публикуется впервые.***Четвертый том включает в себя правила святых отцов, а также трактат о препятствиях к браку и образцы некоторых церковных документов.***Рекомендовано к публикации Издательским советом Русской Православной Церкви.Консультант: протоиерей Валентин Асмус, доктор богословия.Редакторы: протоиерей Димитрий Пашков, диакон Феодор Шульга.Перевод, верстка, издательство: Александро-Невский Ново-Тихвинский женский монастырь.

Никодим Святогорец

Православие