Битва на Калке. 1223 г.

[С. 115] «В лето 6732. 1224. Прийде погибель на Половцов, якоже они доселѣ окрестныхъ народовъ плѣняху и губяху, нынѣ же ихъ погибель наста. Прийде бо въ сия наша страны нѣкий ядовитый, варварский народъ, въ нашой странѣ неслыханый, глаголемый Татаре, о нихъ же от коего роду суть и откуду прийдоша нѣчто речеся вышше, ихъ же Половци, неспокойни суще, на свое зло и свою погибель, пакости имъ дѣюще, раздражиша. Татаре же, въ безчисленномъ множествѣ пришедше, Половцов не токмо побѣдиша, но даже и до основания искорениша, а на их зем[л]ѣ сами сѣдоша. Отнюду же и потом начаху и на нашу Рускую землю, и на Лядзкую, и Угорскую приходити плѣняюще, яко же о том будетъ нижей.

В сие лѣто Половци, побѣждены бывше от Татаръ, прибѣгоша ко рускимъ княземъ со великими дары, найпаче же старейшый князь половецкий Копяк прибѣже ко Мстиславу Галицкому, зятю своему, и ко прочиим княземъ, моляще их, да помогут имъ противу безбожных Татаръ. И глаголаху: „Аще ли нам не поможете, то Татаре ныне нас изъсѣкутъ, а утро васъ“. Тогда же крестися и Бастый, великий князь Половецкий. Собрашася же ся въсѣ князи до Киева, и бысть во первыхъ Мстислав Романович, вънукъ Ростиславов, Киевъский, Мстислав Мстиславич Галицкий со зятем своимъ Даниилом Романовичом (а Василько Романович не бысть), Святослав Мстиславич Чернѣговский, младии же князи: Михаил Всеволодич, внукъ Святослава, Всеволодъ Мстиславич, внукъ Изяславль, и иныи многии князи. Токмо Юрий Всеволодич не бысть въ том совѣтѣ и прочие московские князи, но единаче обѣщаша полки своя послати. И усовѣтоваша всѣ помагати Половцом на Татар, глаголюще: „Яко лучше есть брань творити со супротивными на чужой землѣ, нежели на своей; к сему же едны другим помагающе, мощно есть и силному върагу одолѣти, нежели ждати, да нас по единому изгубятъ“. Слышавше же Татаре о семъ [С. 116] совѣте, прислаша ко рускимъ княземъ, глаголюще: „Мы не на вас идемъ, но на Половцовъ, иже многая намъ зла сотвориша, якоже и вамъ не престаютъ творити. А мы з вами хощемъ мир имѣти, токмо не помогайте Половцомъ“. Князи же не токмо не послушаша Татар, но и послов татарских избиша.

В лѣто 6733. 1225. Всѣ князи руские вышпомянутые собрашася на Татаръ, единогласно со иными многими князи и со множествомъ вой пойдоша за пороги и оттуду пойдоша конми и пѣшо въ землю Татарскую, даже до рѣки Хортицѣ. И потом идоша полями осмь дний, дондеже срѣтошася со сторожами татарскими, их же побиша, а за прочиими гонишася даже до рѣки Калки, идеже начаху вопреки ходити со собою князи руские. Сего ради от Татар, паче же попущением божиимъ, поражены быша християне и потрены, яко николи же прежде. Самых князей 8 убиша ту: Святослав Олгович Киевъский убиенъ бысть, Изяслав Ингваревич, Святослав Рурикович Шумский, Мстиславъ Святославич Чернѣговский и сынъ его Юрий, Мстислав Романович Киевъский и зять его Андрей, Александеръ Всеволодич Дубравъский. А Мстислав Галицкий едва утече, также и зять его Романович утече раненъ, а от всѣхъ вой едва десять утече, но и сихъ на пути Половци пообдираша. И бысть тогда на рускихъ князей такова побѣда мая 30, якова же от начала не бысть. Татаре же, побѣдивше Русь, пойдоша со великою силою в землю Московскую ку Новгороду, по всей землѣ плѣняюще. Людие же не вѣдуще ихъ безъчеловѣчия, изхождаху противу им со кресты, Татаре же изъбиваху их; и поплѣниша землю, пойдоша на время за Волгу».

Список последней трети XVII в.

Золотая Орда в источниках. Т. I. Арабские и персидские сочинения. Сборник материалов, относящихся к истории Золотой Орды, в переводах В.Г. Тизенгаузена. М., 2003. С. 26–27. Из летописи Ибн аль-Асира

[С. 26] «О том, что они [Татары] сделали с аланами и кипчаками.