Том 16 (XVII век, «смеховой мир»)

Отец же мой внезапу начат глаголати: «Поедем мы в волость хлеба ради». И поехаша, и ветру сушу велику. И егда бывшим нам у Шарапова наволока, напрасно пришед волна и наполни карбас наш воды. Нам же в недоумении велицем бывшим и ужасшися. И паки видехом вторую волну, лютее той ярящуся и покрыта нас хотящу. Нам же до конца отчаявшимся живота своего. И абие внезапу судно наше, никимже направляемо, обретеся за коргою у брега. Мы же возрадовахомся велми и выливше воду из карбаса и доидохом в волость. По пяти же днех яви ми ся паки той же старец во сне в трапезе, поношая мя мне и ужасая[4331], и хотяше мя бити дубцы и глаголаше: «Что ты мною бывшее вам не поведа всем человеком деяния моего?» И повеле поведати людем.

Ино чюдо. Той же муж поведа нам. Бысть некто от велмож царевых правя в Колском остроге воеводскую власть при благоверном царе Михаиле Феодоровиче всея России после Литовския войны.

[4332] Ему же имя Гурий Иванов,[4333] сын Волынцов. Бысть же ему черная болезнь. И недоумеющуся, како бы ему болезни тоя избыта. И явися ему святый Варлаам в той болезни, во образе иноческом, глаголя: «Не скорби, человече, избавит тя Бог от тоя болезни». Той же муж начат глаголати ему: «Кто еси ты, господине мой, и откуду?» Он же отвеща ему: «Аз есмь Варлаам ис Керети». Той же велможа возбнув от болезни своея, яко от сна, и начат поведати еже виде и вопрошати, кто есть той Варлаам. И поведаша ему во граде живущии: «Той в древняя лета таков муж священствовав в Колском остроге и после жил в Керети иноком, тамои преставися». Той же велможа посла на взыскание, кто есть тоя веси живущии в том граде. И обрете пришелца, керецские волости жилца Василия именем, пореклом Мухина, и вопрошая его о святем Варлааме, како и где положено честное тело его. Он же Василий поведа ему подробну вся, яже о святем, и яков небрежении ему на месте, на немже положен, тамо и почивает. Той же предреченный велможа Гурий начат с тем Василием совещати, дабы сотворити сень над гробом святаго Варлаама и крест поставити. И даст ему сребро на устроение. Василий же той взем сребро и прииде в Кереть, и по повелению онаго воеводы содела гробницу над гробом святаго. Велможа же той избавлен бысть от духа нечистаго молитвами преподобнаго Варлаама.

Ино чюдо преподобнаго бывшаго

. Нецыи мужии, купцы града Каргополя, имя единому Маков, пореклом Поснов, другому же имя Евфимий Болнищев, поведаша, сице рече. Идущим нам на лодии весною от Онежскаго устья в куплю. И егда пробежавшим Соловецкой остров и бывшим на болшем море[4334], и наехаша ледове много, и обыдоша лодью нашу оттовсюду лду, яко ни протиснутися могущим нам сквозе ниха. И ледовом идущим на лодью и погубити нас хотящим, и много нам трудившимся и ничтоже нам успевшим, всем живота своего отчаявшимся. Преждереченному же оному мужу Евфимию стоящу в корме и опершуся о палубы, от великия печали воздремавшу. Абие явися ему на лодии старец, вопрошая бо: «Далече ли путь ваш, братие?» Он же глагола: «Идем в Поморие торговати, и ныне ледом нас затерло и вси погибнути хощем». Старцу же рекшу: «Не скорби, брате, но поедите вы в Кереть, и Бог даст вам пусть чист». Сам же иде на нос и начат лды роспихивати.

Евфимию же возбнувшуся и не виде никогоже, токмо дружину свою сущую с ними на лодьи. И нача им поведати, еже виде во сне. И внезапу бысть яко дорога сквозе льда. Они же возрадовашася. И начаша присно ятися пути[4335], и абие повеявшу ветру поносному[4336] и выехаша на море ничемже вредими. И приидоша в Кереть и поведаша им в слух живущим ту явление святаго Варлаама, како их Бог избавил от тоя погибели молитвами его. И того ради чудесе муж той Евфимий содела над гробом преподобнаго часовню, оттоле веру держа ко святому велию.

Чюдо ино преподобнаго. Той же муж поведа нам. Двиненину[4337] некоему, именем Никифору, со своими клевреты[4338]

идущу с мурманского рыбнаго промыслу. И егда бывшу ему против Святаго Носа, начат труждати их ветренная буря, и древо[4339] сломило парусное у них, и парус унесло в море, волны же вливахуся на лодью. И снесло у них с лодье все волнами, и отнесло их на лодье в морскую пучину, и уже имвсем отчаявшимся живота своего, и занесло их в плавании их в пучину морскую.

И многим днем минувшим, явися тому Никифору во сне преподобный отец Варлаам и начат ему глаголати: «Что вы впадосте во отчаяние и не промышляете о себе? Парус ваш под лодьею, а древо и с ногами[4340] тут же под лодьею, и вы того древа не ставьте. Промышляйте, не плошитеся[4341], — Бог вас вынесет!»