Том 6 (XIV - середина XV века, литература времени национального подъема)

Той же чюдный мужъ Сергий[852] поведаше о Благовещенскомъ монастыри в Великомъ Новеграде на Поле, егоже создаша два брата по плоти, потом же оба быша архиепископы Великому Новуграду, именемъ Григорий и Иоаннъ.

Сии убо беста брата себе по плоти, благородну, и благочестиву, и богату родителю чада. Имееста же оба межу собою любовь, яко истинаая братия плотию и духомъ. И яко видеста родители своя преставльшася, имения же многа оставльша, имеяста же веру велию ко пречистей Богоматери, владычицы нашей Богородицы и приснодевы Марии, помыслиста же создати монастырь во имя пречистыя Богородицы, честнаго и славнаго ея Благовещения. И якоже поставиша церковь древяну, и монастырь сотвориша, и соградиша, и вся, яже на потребу, устроиша — и келии, и трапезу; таже, не по мнозе времени, совещастася поставити церковь каменну, и наяша хитрецевъ, зиждущих церкви

.

И яко же начаша созидати и совершиша до раменъ, и не доставшу сребру на совершение. Они же начаша тужити, не ведуще, что сотворити. И от многия же печали и срама помолишася пречистей Богоматери, глаголяще:

Молитва: «Ты убо, владычице, веси веру нашу и любовь, еже к сыну твоему

и Богу нашему и к тебе. Яко же со всемъ усердиемъ и верою на дело сие пречестнаго твоего храма подвигохомся, и на тя, Богомати, помощъ и надежду возложихомъ. Помози намъ на совершение храма твоего пречестнаго сего. Посли помощъ свою, владычице, и не посрами насъ рабъ твоих, яко начахомъ созидати и не можемъ совершити без твоея помощи — недоставшу сребра, яже к совершению».

Сетующима же има о сребре, вкупе же и молящимася милостивому Спасу и пречистей Богородицы, и является имъ пречистая царица во сне и глаголя: «Что убо в толику печаль и сетование взястася о создании церкве моея, любимая мною раба Божия? Не презре моления вашего, и веры, и любве. Вскоре убо послю вамъ, яже к совершению, яко и на иную потребу преизбудетъ, токмо подщитеся к делу и не оскудеета верою». То же видение оба брата видеста и слышаста, воставше от сна, радостна быста и надеждею укреплястася.

В той же день, по отпетии утреннемъ, изыдоста оба брата пред враты монастырьские, по обычаю напред всех. По Божию строению и его пречистые Богоматере видяще оба брата, не вмечтанно, но явленно, конь велми дивенъ предстоящъ пред враты монастырьскими, обузданъ позлащенною уздою, и седло на немъ исковано златомъ, яздящаго же на нем не бе. Стояще же кротце недвижимо, яко ожидая мужа она к себе. Они же дивящеся велми, зряще красоту и величество коня оного. И абие, страхомъ и радостию обьята коня оного, приступиста к коню и видят два чомоданьца, — сиречь сумочки две не малы, — по обе страны седла висяща, полна суща. И дивястася коня оного стоянию, и красоте, и кротости. И помыслиста — от Бога послану ему сущу. Тажде, смея и не смея, помянувше Пречистыя имя, взяста мешсца она оба с седла. Той же конь не обретеся пред ними.

И начаша, радующася, разрешати мешца, и обретоша во едином злато, и в другомъ сребро, полна суща оба.

Милостию же Божиею и пречистые Богоматере совершися та церковь и украсися та всякою лепотою: и иконами, и подписми, и книгами. Такожде и селъ доволно куписта и предаста монастырю, прочее же даша игумену и братии.

Такоже и сама взяста на себе иноческий образ, и пожиста в томъ монастыре в посте и в молитвах, и в прочих добродетелех просияста и Богу угодиста. И Богъ прослави их добрых ради дел ихъ: и взята быста единъ по единому, по времени, на архиепископский престолъ[853] Великого Новаграда и Пскова. Добре пасше порученное стадо, и преставистася къ Богу и положена быста в соборней велицей церкви святей Софеи.[854]

А у Благовещения в церкви положенъ бысть архиепископъ Феоктистъ:[855]

бе же ис того монастыря взят на престолъ великия церкви святей Софеи Премудрости Божии и пресловущий Великий Новъградъ.

ПЕРЕВОД

ДРУГАЯ ПОВЕСТЬ ПРО ИОАННА И ГРИГОРИЯ, АРХИЕПИСКОПОВ НОВГОРОДСКИХ И ЧУДОТВОРЦЕВ, И О БЛАГОВЕЩЕНСКОМ МОНАСТЫРЕ, КОТОРЫЙ СТОИТ ВБЛИЗИ ОТ ВЕЛИКОГО НОВГОРОДА, В ТРЕХ ПОПРИЩАХ. 6687 (1179) ГОД

Тот же достославный муж Сергий рассказал о Благовещенском монастыре в Великом Новгороде на Поле, который поставили два родных брата, бывшие потом оба архиепископами Великого Новгорода, а имена их — Григорий и Иоанн.

Были они родными братьями, благородных, и благочестивых, и богатых родителей дети. Между ними царила любовь, как меж истинными братьями по плоти и духу. И когда они увидели, что по преставлении родителей осталось им большое наследство, то задумали они создать монастырь во имя Пречистой Богородицы, честного и славного ее Благовещения, ибо питали глубокую веру к Пречистой Богоматери, владычице нашей Богородице и приснодеве Марии. И поставили они церковь деревянную, и основали монастырь, и оградили его, и все что необходимо устроили — и келий, и трапезную; вскоре же после этого надумали построить церковь каменную и наняли они мастеров, строящих церкви.