Правила Константинопольского синода 1276 года

10. В[ъпрос][739]. Аще ся кто въздрючает, дати ли причастье[740]? От[вѣт]. [И][741] аще не минеться, ноли при смерти – дати. Иныя Богъ избавляеть; аще лѣто[742] и болѣ[743] чистъ будет, тожь дати[744].

11. В[ъпрос]. Аще ли каковъ вред[745] или голова обходить, или тошно бываеть, или от мертвеца лихо, дати ли причастие? От[вѣт]. Аще смыслить, ни иконъ хулит[746], тому даи[747] причастие.

12. В[ъпрос]. Аще кто ума цѣла не имыи, удавиться или избодеться, или утопиться, достоить ли зань приношенью быти? От[вѣт]. Расмотрити[748] подобаеть, аще[749] не от цѣла ума //(л. 194б) створит[750], или нѣ от кия[751] нужа или бѣда велика, или работен злѣ томимъ без вины, или от вельможь насильемъ, или от долъжник, того велми пытати – аще ли от безумья се створил, а не бѣсен, ни от бѣды[752], недостоино[753] зань приношенью быти, убиица сам себе[754].

13. В[ъпрос]. Аще раб или рабыни не терпяще[755] злы господы погубиться[756], достоить ли за тѣх[757] приношенью быти? От[вѣт]. Достоит, а[758] осподарю[759] год опитемьи. Аще ли бѣсен рабъ погубиться, опитемьи за се[760] нѣсть, а того погрести и[761] приношенье зань.

14. В[ъпрос]. Аще не бѣсенъ кто[762] самъ ся порѣжет[763]? От[вѣт]. Аще вмалѣ покаеться, погрести и пѣти над нимъ.

15. В[ъпрос][764]. Се глаголють[765] нѣции: ращитають на лѣто 10[766] служеб за 4 месяци, а поста и поклона[767] не заповѣдывають //(л. 194в) ни от мяса, ни[768] от молока и[769] питья не бранят, на 30 служеб – то за год чтут. От[вѣт]. Се отъинудь зло есть, то князь бы[770] или богатъ кто согрѣшая много и давалъ бы на уреченыя[771] службы, а самъ бы ся не трудил и не[772] отъступил[773] от зла и неправды, и так быша и[774] въ ересь впали[775]. Послушая учитель злых, и[776] чреву раб, а не Богу; иже так[777] учат – то суть льстци и блазнители, а не учители[778]. Имже кто тѣлом[779] съгрѣшил, тѣмь[780] и потрудиться[781], а милостыня по силѣ.

16. В[ъпрос]. Достоит ли всякому[782] ссуду молитва дати? От[вѣт]. Аще впадшее не изгнило[783].

17. В[ъпрос][784]. [А][785] что[786] ходять въ Иерусалимъ къ святымъ, велми азъ сего браню, сдѣ имъ[787] велю правду[788] дѣяти[789], а[790] Бога бояся[791] жити. От[вѣт]. Велми, рече, се[792] добро, иже берет[793] нищии имѣни//(л. 194 г)е, ходя, абы не дѣлалъ, а ясти[794] чюжи[795] хлѣбы, и не то еще[796], но и прилагати[797] начнет и повѣдывати[798] на иных странах бывъшая. Възбраняи[799] вельми, дабы не шли[800] и не[801] вотще[802] трудилися, велика бы[803] мьзда за[804] се была от Бога, чюжь[805] бо[806] вѣры, порозныя[807] ходы, и люто имъ осужение.

18. В[ъпрос][808]. Аще святитель умрет[809], постриженъ въ скиму, как его[810] схранити[811] – святительскы ли, или мнишьскыи? От[вѣт]. Аще будет въ святительствѣ умерлъ, да положать и[812] в ризах, аще ли будеть въ скимѣ умерлъ[813], да положать и[814] въ скимѣ[815] чернечьскыи[816].

19. В[ъпрос]. Аще будут попове мнози и дьякони, подобает ли игуменом проскурмисати[817] или ни? От[вѣт]. Аще будет[818] старѣиши игуменъ, да посылает попа, аще ли будет епископъ с ними на службѣ, да //(л. 195а) проскумисають[819] вси.

20. В[ъпрос]. Аще будет святитель в болести, а пострижеться[820] въ скиму, а потомъ съдравъ будет, достоить ли ему[821] епископомъ быти или ни? От[вѣт]. Не достоит, но[822] быти ему, яко и всякому мниху.

21. В[ъпрос]. Подобает[823] ли игуменомь[824] на мѣстѣх стоящи[825], канчивати[826] пѣнье? От[вѣт]. Аще будет в монатьи, да канчивають[827] [на мѣстѣ[828], аще ли в ризах, да кончевають][829], яко[830] и на службѣ[831].

22. В[ъпрос]. Аще епископа въ граде не будет, достоит ли игуменомъ крѣстъ въздвизати? От[вѣт][832]. Достоить[833], сего не възбранил канун святого Феодора Студиискаго.

23. В[ъпрос]. Достоит ли въ апостольскыя праздники ясти мясо и в среду и в пяток[834]? От[вѣт]. Не разориться среда[835] и[836] пяток[837] ни[838] Осподскымъ[839] праздником[840], развѣѣ великих дневъ[841] святые[842] недѣли, тогда[843] ядят[844] в[845] среду и в[846] пяток, и на Съшествие[847] Святого Духа, и егда ключиться[848] //(л. 195б) Рожество Христово, или на[849] Богоявленье, и в недѣлю о мытарѣ и о[850] фарисѣи, и о[851] прочих[852] 5 праздникъ не разориться ни среда, ни пяток, се бо[853] възбранено есть отинудь святыми божествеными кануны[854].