Правила Константинопольского синода 1276 года

24. В[ъпрос]. Приходящих[855] от несторьянъ и от[856] яковитян как подобаеть крѣщати[857]? От[вѣт]. Подобаеть ему прокляти свою вѣру и учители свои, и помазавши[858] миромь, так причтите[859] правовѣрнѣи[860] вѣрѣ[861].

Луцкий извод Мясниковской редакции

Основной список:

РГБ, Егоров 929, л. 67–69. Требник архиерейский. 1560 г. 2°. 408 л. Рукопись переписана в Луцке в Пречистенском монастыре за рекой Глушцей по повелению архимандрита Феодосия. Писец – дьякон Лука. Библиография: [Корогодина, 2023].

Святымь патриархом събравшимся Костянтинаграда святыи Софеи Софонию Антиохеискому з митрополиты Халкыдонскыми Николае и Мелентие, Фаддеискыи Костянтинъ, всея Руси Максиму, предстоащим ереом и диаконом, благочестивому епископу Сардеискому Феогносту, сѣдящему въ зборѣ, нашему смирению положи посреди въпросы и отвѣты.

1. В[ъпрос]. В которыи дни подобает святителю чести Евагелие? От[вѣт]. 4-жы в году: в чет[верток] великыи на страстех 1 11[862], на святую Пасху на литургии и на вечерни.

2. А еже //(л. 67 об.) игумены чтут въ великыа праздникы? Отвѣт[вѣт]. А при иных попех не чтут, разве великыя нужда.

3. В[ъпрос]. Крестящи младенци, како подобаеть творити молитва, аще будет много попов или единъ? От[вѣт]. Подобаеть единому попу глаголати молитвы, а по единою. Прилучится многым попом быти, да крестят кождыи особно дѣтя.

4. В[ъпрос]. Аще будет много детеи, а попъ единъ? От[вѣт]. То попъ глаголеть молитву надо всѣми и погружает по трижды кождое дѣтя, и глаголеть: крещается рабъ Божии имярек въ имя Отца, аминь, и Сына, аминь, и Святого Духа, всегда и нынѣ и присно и въ вѣкы вѣком, аминь.

5. В[ъпрос]. Подобаеть ли служба служити которая в пяток великыи? От[вѣт]. Святыми отци уставлено есть, того дня службы нѣсть.

6. В[ъпрос]. Достоит ли двѣма агньци служити? От[вѣт]. Не токмо двѣма, но и трема. Егда будеть святое възношение, рекуть: вънмем, Святая Святымь, – тъгда подносят вси агньци.

7. В[ъпрос]. От котораго агньца новоставленому попу часть дают? От[вѣт]. От великаго.

8. В[ъпрос]. Подобает ли архимандриту или игумену з рипидами служити? От[вѣт]. Подобаеть и Тресвятое въ олтари пѣти, а осенения не творити, во том волень есть епископъ, аще кого благословить осѣнение творити, а Трисвятое пѣние[863] достоить пѣти и ручное благословение.

9. В[ъпрос]. Аще случится человѣку въ великои болести, а не будет игумена, чи достоит ли епископу постричи у чрънци? От[вѣт]. Не токмо епископу, но и попу и диакону, а не будет ли святыхь никого, но причетникь пострижеть его.

10. В[ъпрос]. На Масльнои недѣли въ среду и в пятокь поеться ли служба Златаустаго или постная? От[вѣт]. Не поется, токмо //(л. 68) часы с почасиемь и з вечернею поются.

11. В[ъпрос]. Умръшу святителю достоит тѣло Христово в руку его дати? От[вѣт]. Не достоить, святых отець правила не повелѣша.

12. В[ъпрос]. Аще кто в забвении ума бываеть, достоит ли ему дати причастие? От[вѣт]. При смерти дати. Иныя Богъ избавляеть; аще лѣто, аще боле и чистъ будет, тоже дати.

13. В[ъпрос]. Аще каковь вред или глава обыходит или тошно бываеть, дати ли причастие? От[вѣт]. Аще смыслит, ни иконъ не хулит, тому дати причастие[864].

14. В[ъпрос]. Аще кто ума цѣла не маючи, удавится или сколется, или утопится, достоит ли за него приношению быти? От[вѣт]. Расмотрѣти подобаеть, аще не от цѣла ума сътворилъ, или от бѣшениа нужами бѣда великая, или работенъ злѣ томим без вины, или от велмож насилуем, или от должниковь, того велми пытати – аще ли от безумия се сътворилъ, а не бѣшенъ и не от беды, не достоит за него приношению быти, убиица самъ собѣ.

15. В[ъпрос]. Аще рабъ или рабыня, не тръпя злыа господыни, погубится? От[вѣт]. Того погрести и приношение за него.

16. В[ъпрос]. Аще бѣсныи сам себе зарѣжет? От[вѣт]. Аще вмалѣ живь будет, покается, то погрести его и пѣти над ним.

17. В[ъпрос]. Се глаголють нѣции: росчитаа на десять служебь на четыри месяци, а поста и поклон не заповѣдают, ниже от мяса и млека и питиа не заповедають, а служебь 30 за год чтуть. От[вѣт]. Се отнудь есть зло, аще князь или богатъ съгрѣшаа много и давалъ бы на урочныа службы, а сам бы не трудилъся и не отступилъ от зла и неправды, тако быша мнози во ереси увошли. Послушаючи учителеи злых, чреву рабъ, а не Богу; иже тако учить – то суть лестьци и блазнители, а не учители. Имьже кто тѣлом согре//(л. 68 об.)шить, тѣм же и потрудится, а милостыня по силѣ.

18. В[ъпрос]. Достоит ли всякому съсуду молитва дати? От[вѣт]. Достоить.

19. В[ъпрос]. Аще святитель умреть, пострыженъ у скыму, како съхранити его – святительскыи или мнишескыи? От[вѣт]. Аще будеть въ святительствѣ умеръ, да положать его в ризах, аще ли будеть у скымѣ умеръ, да положат его въ скиме чернеческои.