Правила Константинопольского синода 1276 года

13. Святитель[914] умреть, а пострижется в скиму, како съхранити его – святительски или мнишескии? Толк[915]. Аще въ святительствѣ умрет, да положат его в ризах, аще ли умрет в скимѣ, то положат его в скимѣ чернеческии.

14. Аще[916] будут попове мнозии и диаконии, подобает ли игуменом проскурымисати[917] или ни? Толк[918]. Аще будет старѣшии игумен, да посылает диакона, аще ли епископъ с ними[919] на службѣ, да проскурымисают вси.

15. Аще[920] которыи епископъ в болести пострижется[921] в скиму, а потом здравь будет, лзѣ ли ему епископомъ быти[922] или ни? Толк[923]. Достоить быти ему, како[924] и всякому мниху.

16. Подобает[925] ли игуменом на мѣстѣ стояще[926], кончавати пѣние? Толк[927]. Аще будет в манатьи, да канчиваеть[928] на мѣстѣ, а[929] ли будет в ризах, да канчиваеть[930], якоже и на службѣ.

17. Аще[931] мышь начнет агнець, достоит ли служити или ни? Толк[932]. Достоить, хоти 4-я часть осталася святаго тѣла, пѣти имъ.

18. Аще[933] не будет епископа въ градѣ, лзѣ ли[934] игумену крѣстъ въздвизати? Толк[935]. Сего святии отци кануни[936] не възбраниша.

19. Достоит[937] ли во апостольскии праздники[938] в среду и в пяток мясо ясти? Толк[939]. Не разориться[940] среда и пяток[941] ни въ Господьскиа праздники, развѣе[942] святыа недѣли Велика[943] дни да ядят, на Сшествие[944] Святого Духа в среду и в[945] пяток[946] мясо[947] ядят, егда прилучится Рожество или Богоявление в среду и в[948] пяток да ядят[949], таже недѣля о мытари //(л. 60 об.) и фарисии[950], опроче[951] сих временъ да не разорится[952] никако[953] среда и пяток, се в правилѣх святых отець вельми възбранено есть[954].

20. Аще[955] забудет попъ[956] влити вина в потиръ или воды, а вспомянет[957] среди службы, почати[958] ли ему опять[959] пѣти[960]? Толк[961]. Да когда вьспомянет[962], тогда вольеть воду и вино, да скончаваеть[963] службу, а[964] не починаеть[965].

21. Подобает[966] ли священиком трапезу и преносити от мѣста на мѣсто и на неи обѣдня пѣти[967]? Толк[968]. Подобаеть, занеже[969] нужа есть; ходящеи людие не имѣють себѣ упокоина[970] мѣста, но со страхом и с[971] трепетом стрещи в чистѣ мѣстѣ, поставляти ю и пѣти на неи.

22. И[972] приходящим[973] от несторианъ и от яковит како подобаетъ крѣстити их? Толк[974]. Подобает ему прокляти свою вѣру и учители свои, помазавши его миромъ, и тако причтеть[975] къ православнои вѣрѣ.

23. Аще[976] кто от татаръ приходит хотя крѣститися? Толк[977]. Аще не будет велика судна, в чем[978] погружати его, то крѣстивъ[979] воду в рѣцѣ и погружати его 3-жды, глаголя: во имя Отца и Сына и Святого Духа.

24. Аще[980] ли будеть при смерти, а не будет святителя, ни попа, ни диакона, а будет диакъ, лзѣ ли ему крѣстити? Толк[981]. Аще не будет ни попа, ни диакона, а будет причетникъ церковныи, то и тому подобно[982] крѣстити во имя Отца и Сына и Святого Духа.

25. Аще[983] не будет попа, ни диакона при смерти, лзѣ ли дати причастие или пѣти над нимь, или //(л. 61) кутию свящати? Толк[984]. Лзѣ дати[985] причастие и пѣти и кутию свящати.

26. Аще[986] звѣрь или птица удавиться в силѣ, достоитъ его ясти[987]? Толк[988]. Аще будет при нужи, то достоит.

27. Аще[989] будет монастырь под епископьею, достоит ли в немъ епископиа творити или ни, а манастырь тъи индѣ сотворити? Толк[990]. В том воленъ епископъ, иже творит, нѣсть ему грѣха в том.

28. Аще[991] будет невѣнчалная жена по мужни смерти, аще будет ч[ис]то[992] житие и в черници ся пострижет, лзѣ ли проскуры печи или ни? Толк[993]. Аще покаяние приала будет отцемъ душевным[994] и стара будет, достоитъ еи печи.

29. Достоит[995] ли сухою стафильею служити или ни? Толк[996]. Аще не будеть в которои земли вина отинудь[997], да изгнетут новую стафилию и служать, а не сухою, а иже имать кто служити ею, грѣх имать от Бога.

30. Аще[998] попъ убьеть человѣка на рати, лзѣ ли ему потом служити[999] или ни? Толк[1000]. Сие удержано[1001] святыми книгами.

31. Подобает[1002] ли тѣло Христово на пути носити? Толк[1003]. Подобно агнецъ.

32. Достоит[1004] ли поновити священыя съсуды? Толк[1005]. Аще кто хощетъ поновити съсуды, да купить преже у мастера снасть всю, да сковавъ сосуд тъи, и въвергут снасть всю ту[1006] в глубину, и опять не скують снастию тою[1007], да не получат себѣ грѣха от Бога.

33. Аще причтется Успение или Рожество //(л. 61 об.) святыя Богородица в среду или в пяток, не ясти мяса, или Петров день[1008] не ясти мяса.

Выписка Даниила Битюговского

Основной список: