Читаем Том 12 (XVI век, литература «обобщающих предприятий») полностью

Том 12 (XVI век, литература «обобщающих предприятий»)

Титла 10. О пришествии великаго князя от Новаграда на Москву. Богомудрый же благочестия ревнител, достохвалный супостатом победител и собрател Богом дарованнаго ему отечества началнейшаго, великий князь Иван Василевич, Владимерский, Новгородский и всея Росии самодержец, возвратися оттуду к Москве с великою победою месяца августа 13, такоже и вся братия его, и князи, и боляре, и вси воеводы, и все воинство их, со многою корыстию. В лета же 6980, месяца септеврия 1, великий князь прииде во славный свой град Москву,[1176]

победивъ супостаты своя, казнив противящихся ему и не хотящих повинутися ему жестоких отступников-новоградцев, ихже всех помощию Божиею приведе во всю свою волю, и многое богатство получи, и велику славу приобрете; егоже похвалами сретаху многобесчислении народи московстии, славнии и безславнии. Благородный убо сынъ его великий князь Иван и брат его князь Андрей Менший и прочии князи и боляре, и велможи, и гости, и купцы, и лучшии людие сретоша его месяца августа 31 день, идеже обнощевъствовати ему. Прочии же народи — овии за семь верстъ сретоша его, пешии же — ближе. Святейший же Филип, митрополит всеа Русии, срете его со кресты со всем освященным собором близ Великия церкви на площади града. И бысть радость велия всемъ людем державы его. (...)

Глава 15. О чюдесном зачатии и рождении великаго князя Василия Ивановича,[1177]

всеа Русии самодержца. И тако ему от Бога прославлену и благоденствено царствующу; дарова же ему Богъ и чадородие доволно, — от первыя ему сожитницы, от великия княгини Марии, дщери великаго князя тверскаго, родися ему сынъ, великий князь, тезоименитый Иван, зовомый Младый, и от вторыя же сожитницы его, великия княгини царевны Софии,[1178] родишася ему три дщери, изрядна сына бо тогда не успе родити ни единого. Великий же князь Иван и его великая княгини София о сем не малу скорбь имяху и Бога моляху, дабы даровал им сынове родити в наследие царствию своему, еже и получиша. И сего ради некогда сия христолюбивая великая княгини Софья, от великия веры и от сердечнаго желания, по благому совещанию благочестиваго си супруга, самодержавнаго великаго князя Ивана Василевича всеа Русии, трудолюбно потщася пеша шествовати с Москвы во преименитую великую обител Пресвятыя и Живоначалныя Троицы и великаго светилника, преподобнаго чюдотворца Сергия, помолитися о чадородии сынов. Идуще же ей и доиде монастырьскаго села, Клементиева зовома. Оттуду же исходящу ей во удол, иже близ самые обители, и внезапу зрит очивесть во стретение градуща священнолепна инока, егоже позна по образу быти преподобнаго чюдотворца Сергия, имуща в руце отроча младо, мужеск пол, егоже напрасно вверже в недра великой княгине, и абие невидим бысть. Она же от такова необычна видения вострепета и начат изнемогати и к земли прекланятися. Сущии же с нею жены велможския рукама поддержаша ю и сами велми ужасошася, не ведуще, что случися ей. Она же, седши и рукама в пазусе своей ища вверженаго ей отрочати, его не ощути. И абие уразумеша посещению быти великаго чюдотворца Сергия. И укрепися на нозе свои, и благонадежно и здраво прииде в монастырь, и доволно молитвова и целбоносныя мощи преподобнаго Сергия любезно целова, умильно припадая к честней раце его, надежу имея получити егоже прошаше; и братию любочестными брашны учреди, и с радостию возратися, отнюдуже прииде.

И от того чюдеснаго времени зачатся во чреве ея богодарованный наследник Русскому царствию. Подобну времени достигшу, и родися благонадежный сынъ, великий князь Василий-Гаврил, в лето 6986, месяца марта въ 25, в самый праздник Благовещения Пресвятыя Богородицы, въ 1 час нощи. Месяца же априля, в неделю цветоносную,[1179]

и святым крещением просвещен бысть в церкви обители Святыя Троицы у чюдотворивых мощей преподобнаго чюдотворца Сергия, о немже довлеет быти особному сказанию. Сия же повесть явлена бяше митрополитом Иоасафом всеа Русии,[1180] — еже он слыша от устъ самого великого князя Василия Ивановича, всеа Русии самодеръжца. (...)