Том 12 (XVI век, литература «обобщающих предприятий»)

Прииде же на Волок июня 24, в самый праздник Рождества Предотечева; в богоспасаемем же граде Москве остави сына своего, великаго князя Ивана, у негоже остави на Москве брата своего, князя Андрея Меншаго;[1155] в праздник же святых верховных апостолъ Петра и Павла прииде в Торжек.

[1156] И ту приидоша к нему воеводы великаго князя тверскаго князь Юри Андреевич Дорогобужский да Иван Никитич Жито[1157]

со многими людми на помощ великому князю на новгородцы. А изо Пскова прииде к великому князю в Торжек посланник, возвещая иже к Новуграду сами готови все. Великий же князь посла к ним, веляше им без закоснения ити к Новуграду. Сам же великий князь поиде ис Торжку; такоже и братия великаго князя кийждо от своих мест поидоша со многими людми разными пути к Новуграду; такоже и воеводы идяху, кийждо на кое место послан.

Пленение земли Новоградстей. Преже посланныи воеводы, князь Данило Дмитреевич Холмский и Феодор Давыдович, идуще по новгородским местом, идеже им повелено бяше, распустиша воя своя на многия места, поплениша и пожгоша и казниша без милости за их неисправление ко своему государю великому князю. И поидоша близ к Новуграду к реце к Шелоне.[1158] Бяше же земля новоградская озеры и болоты велми наводнена, и того ради в летняя времена рать конная не бывала на них никогдаже, ни от которыхъ великих князей прежних. И того ради лукавии навыкоша преже изменяти и, пролыгающеся, жили от осени и до зимы, таже и до весны; в лете же безо опасения пребываху наводнения ради земли их. Ныне же Божиим промысломъ их ради наказания и исправления тако изсше земля их, яко ни крапля дождя с небеси на землю их не бысть во все лето оно от месяца маия и до месяца септеврия, и от солнечнаго зноя вся земля их и блата

иресхоша. Такову благодать дарова Богъ свыше благочестивому си слузе великому князю Ивану Василевичю всеа Русии, смиряя враги его под крепкую его руку, всуду бо везде ратнии полцы его ничимже неудержимо ганяху по всей земли новоградстей и воеваху невозбранно и скоты гнаху отвсюду непроходимыми месты и блаты, а все посуху.

Титла 7.

Победа на новоградцы у Коростыни,[1159] и в Руси, ина Шелоне. Егда же услышаша людие новоградстии, яко сам великий князь грядет на них со многими силами, заняв всю их силу новоградскую от края до края, с великою и страшною грозою своего меча и огня, якоже древле речено бысть Иеремием о Навходоносоре, Вавилонстем цари:[1160] «От яждения грома колесниц его и от терзания кон его потрясеся земля»,[1161] такоже и зде показа Господь страсть и грозу великаго князя над лукавыми новогородцы, они же лестию послаша к немъ с молениему, еще себе опасения просяще. А все лжуще и неправду деюще: и в то же время послаша рать свою в судех езером Илмерем на предния полки, на воеводы великаго князя, иже бяху пришли на Коростыню и стояху на брезе у езера Илмеря, и бишася с ними. И поможе Богъ воеводам великаго князя: многих избиша, а инии в воде истопоша, а иных руками живых поимаша и самем им межь себя повелеша носы, и губы, и уши резати и отпущати их к Новуграду. И в той же день в Русе иная рать, пешая, множае первыя и сугубейши, приидоша рекою полою Илменем. Воеводы же великаго князя, и на тех пришед, побиша их.