Том 16 (XVII век, «смеховой мир»)

**Приидете, вси искуснии и благонарочитии в разуме,**[3793] отбежим таковаго рва самохотнаго. Впадающих в него и влекущих нас, другов, в сие, отревайтеся, яко не добре нам, смышлюющим, и влекущим нас в ров погибели. Невинно бо есть нам вино, но проклято есть пьянство с неудержанием.[3794] Создай бо есть хмель умному на честь, а безумному — на погибель. Яко Бог прославится в разумной человеце, — свет бо ему разум, имже ся озаряет, разсуждением таковых зол отлучается, — тех достойно ублажаем.

Стих. Егда зазвоним во все животы, слава всякому человеку по делом его.

**Егда славнии человецы, в животех искуснии, в разуме за уныние хмелем обвеселяхуся, тогда, егда во многия дни се творимо, питьем омрачаху свой сущий разум, в нощь неразумия претворяху, до нага пропивахуся.**[3795]

Егда же просыпахуся — срамотою уязвляхуся.

Егда же от даема пития с похмелья на первый свой чин возвращаху, на свой живот пагубно оболгахуся, яко ни единоя ризы в дому оставити. Пространныя пропасти возлюби, на ветр живот[3796] свой розвеяша.

Запев. Потащи, понеси, наливай, подноси!

Егда же напившеся, тогда же веселием, дуростию и шумом наполняшеся, рытье во все горло во отлучение своего живота.

Егда же просыпашеся, тогда болезнию озаряшеся и частым оханьем со губяшеся.

Егда же в меру трезваго разума достигаше, тогда печалию болезнено уязвляшеся, яко много пропито, неведомо что: «Конец житию моему будет: не вем, откуду и как почати жити». И обеты и каеты на себя и клятву налагаше, яко в среду[3797]

* не пити.

Егда же долго не пиваше, тогда же похотию, яко стрелою, уязвляшеся, как бы мошно испити в славу Божию.

Егда же чрез клятву дерзаше, на питие простирашеся и испиваше и на пугвицы изливаше, и семо и овамо, яко болван, бездушен валяхуся[3798] сам себе душегубец и убийца являшеся, и в горшая напасти впадаше горчае перваго, и тайная наша вся си являше в позор человеком.

Чего и не творим — ино добрые люди втрое прибавят. Всяк ся ублюет, толко не всяк на собя скажет. Под лесом видят, а под носом не слышат. Безместно[3799] житие возлюбихом, по глаголющему: «Злато ваше изоржаве, си ризы ваша молие поядоша»,[3800] а пьяницы же и пропойцы злату ржавчину протираху и своему житию веятели являхуся. Наг объявляшеся: не задевает, ни тлеет самородная рубашка, и пуп — гол! Когда сором — ты закройся перстом! Слава тебе, Господи, было да сплыло! — не о чем думати, лише[3801]

спи, не стой, одно лише — оборону от клопов держи, а то жити весело, а ести нечево. Руки к сердцу прижавше, да кыш — на печь, лутче черта в углу не стукаешь. Того ради вси от бездилия вопием ти: «Веселися, радуйся, уляпался! И двожду наймуйся!». Денешку добудь, алтынец съежь, а половиною — прикуп твори, а иногда — и не етчи спи!

И ныне: Таков голос.

Одиннадцать семь — и платье с плечь, стремка не стала, одиннатцать солгала, в бороду скочила, радость сказала:[3802] «Радуйся, уляпался! Не один васу матки, много вас, чмутотворцов[3803], да не в одной месте, оголи гузном скачут, белые руки в роте грееют. Родила вас мама, да не приняла вас яма. В лете не потеете, а в зиме не зябете,[3804] лише[3805]

за щеками руки греете, живете, что грязь месите. Увы нам, куды нам: где ни поживем — везде загрезим, где ни станем — тут воняем, людей от себя розгоняем. За дурость ума нашего и сущии родители нас отлучишася и глаголют, яко не родивше нас. Житием своим процвели есте, яко голики[3806], чем баню метут, — тако и вами, пропойцы, что чортом, диру затыкают! Тем достойно злословим и ублажаем вас.

Святыя славы кабацкия.

Несвятыя славы на кабак залесть желают, но недобрые поминаем отцем и матерно наказание, да мы их не слушаем, таково нам се и збываетца. Поймают сына в воровстве — и отцу не пособить, — и бьют по хребту. А сторонные люди глаголют: «Достойно и праведно вора смиряти!». И всяк, смотря на того, ся кажет. Сыне, добро слышати отца! Жизнь твоя пробавитца, темже тя мир весь хвалит.

Таже выход ис погреба с пивом. Прокимен и ермес на печи глаголет: «Пьяница, пропився, в раздранныя ризы облечется».[3807]

Стих: Ибо, что найдешь или украдешь, то понеси на кабак!

Стих: Хошь и любое платно, да пропити! Нет мотчи ся удержати!