Том 16 (XVII век, «смеховой мир»)

И мало время минувше, патриарх, и митрополиты, и архиепископы, и епископы, и архимариты, и игумены, и весь духовный чин соборовали[4543]. И бояре, и околничие, и думные люди, и дворяне, и дети боярские, и гости, и торговые, и всяких чинов люди, и чернь после смерти прежнего царя на царство обрали сына его, нынешняго царя, и учинили коронование в соборной болшой первой церкве и молили Бога. А когда царя коронуют, и в то время бывает ему помазание елеом, и потому имянуется «помазанник».

И после того власти, и бояре, и ближние, и всяких чинов люди на государстве его поздравляли. И по поздравлению патриарх, и митрополиты, и архиепископы, и епископы, и иныя власти царя благословляли образами и подносили хлебы, и бархаты, и объяри[4544], и отласы, и камки[4545]

золотные и простые, и соболи, и серебряныя сусуды. А бояре, и ближние люди, и столники, и стряпчие, и дворяне московские, и дьяки, и жилцы[4546], и полковники, и дворяне, и дети боярские городовые, и гости

[4547], и служилые люди дарили против того ж, что и власти. А сотенные и торговые и из городов посадцкие люди подносили хлебы с солью и дарили против такого ж обычая, у кого что прилучилося. А было тех дворян и детей боярских и посадцких людей для того обрания человека по два из города. И потом у царя на властей, и на бояр, и на всяких чинов людей были пиры.

И после того времяни царь с патриархом советовал и со властми, и з бояры и з думными людми говорил, чтоб ему сочетатися законный браком. И патриарх и власти на такое доброе дело к сочетанию законныя любви благословили, а бояре и думные люди приговорили. И сведав царь у некоторого своего ближнего человека дочь, девицу добру ростом и красотою и разумом исполнену, велел взяти к себе на двор и отдати в бережение к сестрам своим царевнам и честь над нею велел держати, яко и над сестрами своими царевнами, доколе збудется веселие и радость.

И искони в Росийской земле лукавый дьявол всеял плевелы свои: аще человек хотя мало приидет в славу и честь и в богатство, возненавидети не могут[4548]. У некоторых бояр и ближних людей дочери были, а царю об них к женидбе ни об единой мысль не пришла. И тех девиц матери и сестры, которые жили у царевен, завидуя о том, умыслили учинить над тою обранною царевною, чтоб извести, для того: надеялися, что по ней возмет царь дочь за себя которого иного великого боярина или ближнего человека. И скоро то и сотворили, упоиша ея отравами. Царь же о том велми печалей был и многа дни лишен был яди, и потом не мыслил ни о каких высокородных девицах, понеже познал о том, что то учинилося по ненависти и зависти.

И после того времяни случися ему быти в церкве, где коронован, и узре — некоторого московского дворянина Ильи Милославского две дочери в церкве стоят на молитве; послал по некоторых девиц к себе на двор, велелим того дворянина едину мнейшую дочь взяти к себе в Верх. А как пение совершилось, и в то время царь, пришед в свои хоромы, тое девицы смотрил, и возлюбил, и нарек царевною, и в соблюдение предаде ея сестрам своим, и возложиша на нее царское одеяние, и поставил к ней для оберегания жен верных и богобоязливых, дондеже приспеет час женидбы.

7. Царю ж, отложивше всякие государственные и земские дела — правити и росправу чинити, почал с своими князи, и бояры, и околничими, и думными людми мыслити о женидбе своей: кого из бояр, и из думных, и из ближних людей, и из их жен обрати в какой свадебной чин, во отцово и в материно место, и в сидячие бояре, и в боярыни, и в поезжаня, в тысецкие, и в бояре, и в дружки, и в свахи, и в свещники, и в коровайники, и в конюшенной чин, и в дворецкие. Так же и с царевнину сторону — сидячих бояр, и бояронь, и дружек, и свах. И мысля о том многие дни, указал для такия своея царския радости думным дьяком росписати на роспись, кому в каком в том свадебном чину бояром, и околничим, и думным, и ближним людей и их женам в чинех же быти по своему обранию, кого в какой чин излюбил — не по родом и не по чином и не по местом: где кому в каком чину указано быти, и тому по тому и быти; а написав тое роспись, закрепити им же, дяком, и поднести себе. А свой царский указ бояром, и околничим, и думным, и ближним людей велел сказати при многих людех, чтоб они к тому дни, в которой день у него будет радость, в том чину, кому где указано быть, были готовы без мест, не по роду и не по чином. А как у него будет радость, и в те дни будет кто из них, бояр, и околничих, и думных, и ближних людей, учинят в свадебном деле породою своею или местами или чином какую смуту, и в том свадебном деле учинится помешка, и того за его ослушание и смуту казнити смертию безо всякого милосердия, а поместья его и вотчины взяти на царя. Так же и после свадбы никому никого никакими словами о свадебных чинех не поносити и в случай не ставити, кто кого в чину выше ни был. А кто кого учнет поносити, а себя высити, и про то сыщется, и тому от царя быти в великой опале в наказании.