Том 6 (XIV - середина XV века, литература времени национального подъема)

А отъ упивания бы есте уймалися, а милостынку бы есте по силе давали, занеже, господине, поститись не можете, а молитися ленитеся: ино в то место вам милостыня вашъ недостатокъ пополнит.

А великому Спасу и Пречистой Его Матери, госпожи Богородицы, заступницы христианской, чтобы есте, господине, велели молебны пети по церквам, а сами бы есте, господине, ко церкви ходити не ленилися.

А во церкви стойте со страхом и трепетом, помышляюще в себе аки на небеси стояще. Занеже, господине, церковь нарицается земное небо, в нейже совершается Христова таинства. Блюди, господине, и себе опасно. Во церкви, господине, стоя, беседы не твори и не глаголи, господине, никакова слова празна. И аще кого видиши от велмож своих или от простых людей, беседующа во церкви, и ты, господине, возбраняй. Понеже, господине, то все прогневаетъ Бога. И ты, господине князь Андрей, о том о всемъ внимай себе, занеже глава еси и властель от Бога поставлен иже под тобою християномъ.

А милость Божия и Пречистыя Богородицы на тобе, на моем господине, и на твоей княгине, и на ваших детках, и мое благословение и молитва и братии моей аминь.

ДУХОВНАЯ ГРАМОТА

Во имя Святыя и Живоначальныя Троица.

Азъ, грешный Кирило игуменъ, смотрихъ, яко постиже мя старость, впадох бо в частыя и различныя болезни, имиже ныне съдержимъ есмь, человеколюбне от Бога казнимъ ради моихъ грехъ, болезнемъ на мя умножившимся ныне, якоже иногда никогдаже, и ничтоже ми възвещающе разве смерть и судъ страшный Спасовъ будущаго века. И во мне смутися сердце мое исхода ради, и страхъ смертный нападе на мя. Боязнь и трепет Страшнаго судища прииде на мя, и покры мя тма недоумения.[809] Что сътворити, не съвемъ. Но възвергу печаль на Господа,[810]

да той сътворить якоже хощеть, хощетъ бо всемъ человекомъ спастися.

Се язъ, Кирило игуменъ, черньчищо грешный, пишу сию грамоту при своемъ животе и въ своемъ смысле.

Предаю манастырь, трудъ свой и своее братьи, Богу и Пречистей Богородици, Матери Божии, Царици небесней, и господину князю великому, сыну своему, Андрею Дмитриевичю.[811]

И сына своего благословляю въ свое место, священноинока Инокентия.[812]

И ты, господине князь великый, Бога ради и Пречистыя деля Богородици, и своего ради спасения, и мене ради, своего нищего грешна человека, какову еси, господине, имелъ любовь доселе къ Пречистей Богородици и к нашей нищете, при моем животе, тако бы еси, господине, и по моемъ животе имелъ любовь крепку къ Пречистей Богородици и сыну моему Инокентию, и къ моей братицы, которыи имуть по моему житьицу жити, а игумена слушати.

А что еси, господине, давалъ свое жалование, грамоты свои, дому Пречистей Богородицы и моей нищете, — чтобы то, господине, твое жалование и грамотки неподвижны были: как и доселе, господине, при моем животе, так бы, господине, и по моемъ животе было. Занеже, господине князь великий, нам, твоим нищим, нечим боронитися противу обидящих нас, но токмо, господине, — Богомъ, и Пречистою Богородицею, и твоим, господине, жалованием, нашего господина и господаря.

А тобе, господина князя великаго, сына моего, Андрея Дмитриевича, елика исповедалъ еси Богу и Пречистей Богородици и мне, своему отцю, яко человекъ, плоть нося, съгрешивъ, в томъ тебе въсем Богъ проститъ и благословитъ. Такоже и госпожю мою дщерь, княгиню велкую Ографену,[813] Богъ проститъ и благословитъ. Такоже господина и сына моего, князя Ивана, Богъ проститъ и благословитъ. Такоже и госпожю и дщерь мою, княжну Анастасию, Богъ проститъ и благословитъ.

А милость Божия и Пречистыи Богородици на тобе, на моем господине, князе великом Андреи Дмитриевиче, да будет, и на твоей княгине великой, госпоже нашей Огрофене, и на вашем сыну, на нашем господине, князе Иване, и на всех ваших деткахъ и мое благословение, и молитва, и братьи моея.

Господине и господине, князь великый Андрей Дмитриевич! Много молю тя о сем и челом бью съ своею братицею по Бозе и по Пречистой Богородици тобе, своему господарю. Однова, господине игумен-отъ ти ся иметъ жаловати на которую братию, которые, господине, не имутъ его слушати, а по воле его не ходят, а мое житийце, грешна человека, имуть перечинивати, и язъ господина своего и господаря, тобе, съ слезами много молю о томъ, чтобы еси, господине, тому не попустилъ быти, а техъ бы еси, господине, зчюнулъ крепко, кто по моему житьицю не ходитъ, а игумена не иметь слушати. И ты, господине, техъ вели изъ монастыря выслати.

ПЕРЕВОД

ПОСЛАНИЕ ЧУДОТВОРЦА КИРИЛЛА

Господину благоверному и боголюбивому великому князю Василию Дмитриевичу — Кирило, чернечище многогрешный, со всей братиицей.

За твою, господин, щедрую к нам милостыню многократно челом бьем и радуемся, господин, за тебя, что имеешь ты такую веру в Пречистую Богородицу и в нашу нищету, и твоему великому смирению.