Том 6 (XIV - середина XV века, литература времени национального подъема)

Киприан в этом послании отлучает от церкви и проклинает и великого князя Дмитрия Ивановича, и всех, кто причастен κ его «иманию, и запиранию, и бещестию, и хулению», а также и тех, «хто покусится сию грамоту сжещи или затаити». Так что это его послание было небезопасно во всех отношениях: если читаешь и распространяешь, подвергаешься опасности наказания со стороны властей предержащих, если утаиваешь или уничтожаешь, подпадаешь под митрополичье проклятие. Желание избежать и той и другой опасностей объясняет наличие сознательно затрудненных для прочтения и зашифрованных мест во всех четырех дошедших до нас списках послания, из которых два принадлежат XV в., а два — рубежу XV и XVI вв.

Послание печатается по рукописи: РНБ, Соловецкое собр., № 858, Кормчая, 1493 г., л. 527—536.

ТРИ ПОСЛАНИЯ И ДУХОВНАЯ ГРАМОТА КИРИЛЛА БЕЛОЗЕРСКОГО

Подготовка текста, перевод и комментарии Г. М. Прохорова

ОРИГИНАЛ

ПОСЛАНИЕ ЧЮДОТВОРЦА КИРИЛА

Господину благоверному и боголюбивому великому князю Василию Дмитреевичу[799] — Кирило, чернечище многогрешный, съ всею братицею.

На твоей, господине, доволной еже к нам милостыне много челомъ бием и радуемся, господине, о тебе, что имееши сицеву веру ко Пречистой Богородицы и нашей нищете, и о велицем твоемъ смирении.

О сем же, господине, радуемся и скорбимъ, что паче слова и смысла безмерное твое смирение: посылаеши ко мне грешному и нищему и всякого дела блага удалившагося. Ты, господине, — князь великий всея земля Руския, и, смиряяся, ко мне посылаеши грешному и страстному и недостойному небеси и земля и того самого иноческаго жытия. И яз, господине, грешный истинно о семъ скорблю недостоиньства ради своего; радуем же ся, господине, благаго ради твоего произволения и смиреномудраго нрава, яко сим сподобишися, господине, преблагому нашему Владыце и Господу, от толикия неизреченныя славы и с высоты сшедшему нас ради грешных и смирившуся даже и до рабия образа. Сице, господине, и ты от толикия славы мира сего преклонися смирениемъ к нашей нищете; и от сего, господине, познаваемъ великую твою любовь к Богу и ко Пречистей Его Матери.

Елико бо приближаются святии к Богу любовию, толико видят себе грешна. Ты бо, господине, смирениемъ велико себе приобретаешь спасение и ползу душевную. Темъ, господине, аз грешный паче печалую душею, что мене недостойнаго и покоршагося всякому греху сице ублажаете, не притяжавша не единоя добродетели, но всякой страсти повиннаго, и таково, господине, моление посылаеши ко мне, не могущему и о своих гресехъ Бога умолити. И какъ о тебе, господине, Бога умолю, самому ми сушу исполнену всякаго греха и дела зла?

Но, господине, писано, что не велит отрицатися и грешным молити Бога о велящих за ся, веры ради их. Тем же, господине, ради веры твоея великия не оставит тебе Богъ, но помилуетъ, и Пречистая госпожа Богородица и Царица наша поможет ти по вся дни живота твоего и подастъ ти изцеление души жъ и телу, — что нас, нищих ея, господине, не забываеши, в пустом сем месте събравшихся во обители ея, но часто призираеши доволными милостынями.

Мы же, господине, не можемъ о семъ тебе воздати ничтоже, но Пречистая Госпожа Богородица, надежа и упование наше, испросить на тя милость у Сына своего в сий векъ и въ будущий. А яз грешный с своею братиицею, господине, елика сила, ради Бога молити о тебе, нашемъ господине, и о твоей княгине, и о твоих детках, и о всех християнех, Богомъ порученных тебе.

Ты же, господине, самъ Бога ради внемли себе и всему княжению твоему, в немже тя постави Духъ Святый пасти люди Господня, еже стяжа честною си кровию.[800] Якоже бо великия власти сподобился еси от Бога, толикимъ болшим воздаяниемъ долженъ еси. Воздай же убо Благодателю долгъ, святыа Его храня заповеди, всякаго укланяясь пути, ведущаго в пагубу.

Якоже бо о караблехъ есть: егда убо наемникъ, еже есть гребец, соблазнится, мал вред творит плавающимъ съ нимъ; егда же кормчий, тогда всему кораблю творит пагубу. Такоже, господине, и о князех: аще кто от бояр согрешит, не творитъ всем людем пакости, но токмо себе единому; аще ли же сам князь согрешит, всем людем иже под ним сотворяет вред.

Ты же, господине, со многою твердостию храни себе в добрых делех. Рече бо святый апостолъ: «Миръ имейте и святыню, без нея же никтоже узритъ Господа». Возненавиди, господине, всяку власть, влекущую тя на грех, непреложенъ имей благочестия помыслъ и не возвышайся, господине, временною славою к суетному шатанию: мал же убо и кратокъ сущий зде живот, и с плотию сопряжена смерть. И сия убо помышляй, — не впадеши в ров гордостный. Но бойся, господине, Бога, истиннаго Царя, и блажен будеши. «Блаженны бо, — рече, — боящиися Господа».[801]