Наследники Витовта. Династическая война в Великом княжестве Литовском в 30-е годы XV века

Примечание. 1) О рукописи см.: Spieralski Z. Z dziejôw Archiwum Koronnego Krakowskiego. Kopiariusz]ana Laskiego (okolo 1505) // SZ. T. 24. Warszawa; Poznan, 1979. S. 109–138.

2) О месте написания грамоты см. итинерарий Свидригайла в приложении II.

Nos, Switrigal, Dei graci^a) magnus dux Lithuanie, Russie etc.

Notum facimus universis per presentes, quod petivimus fratrem nostrum seniorem et dominum, dominum Wladislaum, Dei gracia regem Polonie, ut nobis faceret dare castra terre Podolie, videlicet Camenecz, Skala, Smotricz et Czirweny, ut hec faceret pro bono suarum et nostrarum terrarum, ne inter nos bella orirentur effusioque sanguinis non esset. Qui quidem dominus rex, frater noster senior, desideravit a nobis huius literam, quod si barones et ceteri eius consiliarii ipsum monebunt, quod absque eorum consilio nobis dedit castra predicta nosque non conveniemus in bono in termino nobis prefixo pro festo Assumpcionis Marie virginis cum rege, fratre nostro, cum eius consilio et baronibus parte ex una nobisque cum nostris principibus, baronibus ceterisque dominis parte ex altera, et si, quod absit, ut premissum est, in dicto termino non conveniemus in bono, extunc nos a predicto domino rege fratre nostro huiusmodi factum deponere debemus, si eius domini ipsum movebunt, castraque prefata Camenecz, Skala et Smotricz Czerwenyque reddere volumus viceversa sine dolo et fraude sub honore nostro cum omnibus istis, prout nobis ipse prefatus rex dedit. Et si, quod absit, predictum dominum regem contingat ante prescriptum terminum ab hac vita decedere nosque in bono cum ipsius baronibus in predicto termino non conveniemus, extunc predicta castra reddere debemus ipsius regis liberis taliter, prout nobis rex ipsa dedit, sine dolo. Etiam quodcunque nobiles, terrigene ceterique subditi^b) terre Podolie contra nos egerunt nosque in obsidione dictorum castrorum commoverunt, omnem eis indignacionem dimittimus sub honore nostro, nec aliquem rancorem contra eos volumus excitare, nec ledere pro eisdem factis, nec corripere vel movere ipsos aliquando, nec in bonis ipsorum movere, sicut alios terrigenas, qui nobis in nullo nocuerunt.

Etiam nostri principes et barones huiusmodi literam domino Regi dederunt, ut nos super isto tenere debent, quomodo deberemus complere omnia, prout nos prefato domino regi, fratri nostro, inscripsimus in litera presenti.

In cuius rei testimonium et roboracionem sigillum nostrum presentibus est subappensum.

Actum et datum in curia nostra Geleny Dwor in vigilia sancti Andree apostoli anno Domini millesimo 303^c).

^a)далее зачеркнуто: rex Polonie

^b)далее зачеркнуто: nostri

^c)так в рукописи; следует читать 430

Перевод

Мы, Свидригайло, Божьей милостью великий князь литовский, русский и проч.