Правила Константинопольского синода 1276 года

Въпрос. Подобает[614] ли поновити[615] црьковныя съсуды[616]? Отвѣт. Аще[617] хощет обновити[618] священыя[619] съсуды[620], да купить[621] прѣжде у мастера орудиа въся[622], да сковавь[623] съсуды[624] и въвръгуть орудия[625] въ глубину[626], а опять да не дѣлают[627] //(л. 124) орудии тѣми[628], да не получать[629] себѣ от Бога грѣха[630].

Погодинский извод Кирилло-Белозерской редакции

Основной список:

РНБ, Погод. 1287, л. 202 об. – 204. Сборник учительный и толковый «Цветник». Третья четверть XVI в. 4°. 313 л. Содержит ряд грамот конца XV в. В 1615 г. был вложен в Корнилиев-Комельский монастырь (скрепа, л. 1–10). Правила Константинопольского синода 1276 г. содержат 17 вопросов и ответов, не имеют заглавия. Библиография: [Бычков, 1882, c. 507–508, 514–515; Истрин, 1897, c. 5–6; Розанов, 1904, c. 33–86; Лурье, 1958, c. 223; РФА, 2008, c. 40; Вершинин, 2016, c. 34, 148; Грищенко, 2018а, c. 200–201; Вершинин, 2021, с. 514].

1 [5]. Въспрос. Коли ставят попа, от которого агньца дати ему часть? О[твѣт][631]. Подобает дати ему от меншаго агньца и причастити крови.

2 [6–7]. Аще святителю ключится пѣти обѣдня, а не будет диакона, да поет с попы по нужи, един поп глаголеть октеньи внутри, не выходя из олтаря.

3 [9]. В[ъспрос][632]. Аще случится человѣку в велицѣи болѣсти, а въсхощет въ че//(л. 203)рньци, а не будет игумена, лзѣ ли епископу пострищи его? О[твѣт]. Не токмо епископу, но и попу мирскому и диакону. А не будет попа и диакона, а при смерти, и причетник пострижет.

4 [10]. В[ъспрос]. Подобает ли епископу епископа въ скиму постричи? О[твѣт]. Аще не будет игумена, по нужи пострижеть епископь епископа.

5 [11]. В[ъспрос]. В Сырную недилю в среду и в пяток поется ли литургиа? О[твѣт]. Не поется, кромѣ Срѣтениа и Обрѣтениа.

6 [12]. В[ъспрос]. Умирающу святителю достоит ли дати в руку тѣло Христово или ни? Не достоит вложити, зане святии отци того не уставиша на святых зборѣх.

7 [13]. В[ъспрос]. Аще ли святитель умрет, пострижен въ скиму, како есть погрести его – святительски или мнишески? О[твѣт]. Аще будет святительски преставися, да положат его в ризах, аще ли въ скимѣ, да положат и въ скимѣ чернечьскыи.

8 [15]. В[ъспрос]. Аще святитель которыи в болести пострижется въ скиму, а потом здравь будет, достоит ли ему святительствовати или ни? О[твѣт]. Не достоит быти ему, но яко и всякому мниху.

9 [21]. В[ъспрос]. Подобает ли священнаа трапеза преносити от мѣста на мѣсто и на неи //(л. 203 об.) обѣдня служити? О[твѣт]. Подобает, зане то по нужи есть; ходящии людие не имуть себѣ покоя с мѣста на мѣсто, но стеречи ю страхом и трепетом, въ чистѣ местѣ поставляют ю и служити на неи.

10 [22]. В[ъспрос]. Приходящих от несториань и от яковит, како подобает крѣщати их? О[твѣт]. Подобает ему прокляти свою вѣру и учители свои, помазавше и миром, тако причтуть и православнѣи верѣ.

11 [23]. В[ъспрос]. Приходящих от татаръ и хотящихь крѣститися? О[твѣт]. Аще не будеть великъ съсуд, в чем погружати его, да обливает его 3-жы, глаголя: въ имя Отца, аминь, и Сына, аминь, и Духа святаго, нынѣ и присно и в вѣкы вѣком, аминь.

12 [25]. В[ъспрос]. Аще не будеть епископа, ни попа, а при смерти человѣку, лзѣ ли диякону дати причастие и пѣти над ним или кутиа свящати? О[твѣт]. Лзѣ причастие дати и служити над нимъ и кутия свящати.

13 [28]. В[ъспрос]. Аще двомужна жена по мужни смерти, ажь будет чистое житие, а в черници ся постригла, лзѣ ли еи пещи просфиры или ни? //(л. 204) О[твѣт]. Аще покаание будеть приняла отцемъ духовным, стара, достоино еи печи просфуры.

14 [30]. В[ъспрос]. Подобает ли брата кръстившаго или теткину поняти жену себѣ? О[твѣт]. Не удръжанно, да поимет и.

15 [31]. В[ъспрос]. Аще на рати поп убиеть человѣка, лзѣ ли ему священьствовати? О[твѣт]. Не удръжано святыми правилы.

16 [32]. В[ъспрос]. Подобает ли на себѣ тѣло Христово на путь ити и носити? О[твѣт]. Подобно и благословено есть.

17 [33]. В[ъспрос]. Подобает ли поновити съсуды церковныа? О[твѣт]. Аще кто хощет поновити съсуды церковныя, да купить преже у мастера снасть свою[633] всю, да скончавь дѣло, а снасть ввержет въ глубину, да тою снастию не дѣлаютъ ничего, от Бога бо грѣх великъ, аще тою снастию что обычное дѣлати.

Редакция Пандектов Антиоха Черноризца

Основной список:

ГИМ, Син. 3, л. 286 об. – 287 об. Пандекты Антиоха Черноризца (л. 2–117), Патерик (л. 121–263) и сборник (л. 265–299). Начало XV в. 2°. 299 л. Рукопись впрокладку на пергамене и бумаге. Писец (?) – инок Серапион. В 1655 г. рукопись была вложена патриархом Никоном в Новоиерусалимский монастырь. Библиография: [Горский, Невоструев, 1859, c. 247–283; Смирнов, 1912, c. 141–142 (издание текста «Покаянье»); ПС XV в., № 1082; Корогодина, 2006а, c. 191–193, 243–245, 356–357, 412–413 и др.].