Правила Константинопольского синода 1276 года

Большинство статей не имеет обозначения ответов. Вопросы и ответы выделены в тех случаях, когда статья имеет указание на вопрос.

Индикта в четверток 4 сѣдящим святымъ патриарфомъ в церкви святыя София Антиохиискому и Костянтинаграда патриарху Иоану, и митрополитъ Халкидоньскии, и мнозии митрополити инии, и всея Руси митрополитъ Максимъ, и предстоящим ту попом и диякономъ. И богочестивыи епископъ Сараискии Феогностъ посредѣ сбора положи упросъ нѣкии и отвѣт.

1. О крещении. Крестяще человѣка, подобаеть ли многимъ попомъ крестити или единому? От[вѣт][634]. Подобаеть единою измолвити молитвы и единому попу крестити. Аще ключится многимъ дѣтем быти, и будут попове мнози, да крестять кождо о собѣ дѣтя. Аще будет и много, и единъ поп да измолвить единою молитвы над всѣми дѣтми, и погружають по 3-жды кождо дѣтя, глаголя: во имя Отца, 2-е: въ Сына, 3-е: въ святаго Духа.

2. В[опрос][635]. Лзѣ ли двѣма агнецема служити? Не токмо единѣм, и двѣма и 3-ми, аще ключится многим попом быти. То когда будеть святое възношение, да взимаеть единъ агнець великии, да тѣмъ възношениемъ вси свящаются.

3. В[опрос]. Новоставленому //(л. 287) попу? И сь инѣх блюдъ от тѣхъ агнець вдати ему.

4. В[опрос]. Аще будеть нужа безъ дьякона, мнозии попи да поють литургию? В[опрос][636]. Или един от них попъ октенью молвит, въ волтари стоя, а вонъ не выходя.

5. Достоить игумену пѣти с рипидиями и Тресвятое пѣти въ олтари, а осѣнения да не творять, а въ Тресвятомъ пѣнии ручное благословление.

6. Въ болести велицѣ человѣкъ усхочетъ в черньцѣ, а не будеть игумена, не токмо епископу лзѣ, но и попу и дьякону. А не будеть тѣх, а при смерти, да и причетникъ пострижеть.

7. В[опрос]. Аще не будеть игумена? А в нужю епископъ епископа да пострижеть в скиму.

8. Въ Масленую недѣлю в среду, в пяток не поется тогда служба постная, ни Иоанова, но въ 9 час часы съ вечернею поють.

9. В[опрос]. Святитель аще въ скимѣ умьреть? Да положать и въ скимѣ чернечьскы.

10. В[опрос]. Аще будуть попове мнозии и дьякони? А будеть старѣишии игуменъ, посылаеть дьякона на проскуръмисати. Аще ли епископъ будет с ними на службѣ, да проскурмисають вси.

11. В[опрос]. Святитель в болѣзни постригся въ скиму, а оздравѣеть? Не достоить ему епископомъ быти, но быти ему, яко всяки мнихъ.

12. В[опрос]. Аще мышь начнет агнець? Хотя бы четверчая часть осталася, достоить тѣмъ пѣти.

13. В[опрос]. Аще забудет поп вина или воды влити в потырь? А когда въспомянеть, и вливаеть вино и воду, свершаеть службу, опять не починаеть.

14. В[опрос]. Аще будеть нужа при смерти, а не будеть святителя, ни попа, ни дьякона, а пригодится причетникъ дьяк? Да и тому подобаеть крестити во имя Отца, и Сына, и святаго Духа.

15. В[опрос]. Аще не будет епископа, ни попа при смерти человѣка? То и дьякону лзѣ причастити, и пѣти над нимъ, и кутью свящати.

16. В[опрос]. Жена аще и невѣнчалная, а покаянье прияла будеть отцемъ духовнымъ? Достоить еи печи проскуры.

17. В[опрос]. Брату крестившаго тетку или тетчичну поняти жену собѣ? Не удержанно, да поиметь.

18. В[опрос]. Тѣло Христово носити на путь за нуждю? Подобно и благословлено.

19. В[опрос]. Подобает на мѣстѣх стоячи игуменом //(л. 287 об.) кончивати пѣние? Аще будеть в мантии, да канчивають на мѣстѣх; будуть в ризахъ, да канчивають, якоже и на служьбѣ.

20. Аще не будеть епископа у градѣ, игумену лзѣ крестъ въздвизати.

21. В[опрос]. Апостолскимъ праздником да не разорится среда и пяток, ни Господьским празником, развѣ великихъ дневъ святоѣ недѣли в среду и в пяток да ядят, и на Сшествие святаго Духа, и егда ключится Христово Рожество, и Богоявление, и недѣля о мытари и о фарисеи.

22. В[опрос]. Подобаеть свящавъ тряпезу и прѣносити от мѣста на мѣсто и на неи обѣдню пѣти? В чистѣ мѣстѣ, егда нужа есть и мѣста не имуть покоина, но блюсти ю съ страхомъ, с трепетом.

23. В[опрос]. Сухою стафилью да не служить литоргии, ибо грѣхъ имать от Бога.

24. В[опрос]. Приходящих от еретикъ к вѣрѣ? Подобаеть имъ прокляти свою вѣру и учителѣ, и помазавши и миромъ, и причтеть и къ правовѣрнѣи вѣрѣ.

25. В[опрос]. Приходящих от поганъ хотящихъ креститися? Аще не будет велика съсуда, в чем погрузитися ему, да обливають его[637] 3-жды, глаголя: во имя Отца, и Сына, и святаго Духа.

26. В[опрос]. Крещение водное, творимое по вся недѣли.

Мясниковская редакция

Основной список:

РНБ, F.II.119, л. 193–195 (F3). Кормчая Мясниковской редакции. 1420-е годы. 2°. 221 л. Библиография: [Лихачев, 1899, ч. 1, c. CXVII–CXIX, 254–256; Правда Русская…, 1940, т. 1, c. 56, 181–182; Тихомиров, 1941, c. 128–138; Щапов, 1993, c. 94; Дополнения к ПС XV в., 1993, № Д30; Турилов, 1994, c. 101–102; Зимин, 1999, c. 383, № 1 (30); Юшков, 2002, c. 20; Мазуринская Кормчая…, c. 56; Белякова, 2011а, c. 38; Афанасьева, 2012, c. 144–146, 185–187; Белякова и др., 2017а, c. 53, 472; Корогодина, 2017а, т. 1, c. 117–123 и др.; Грищенко, 2018б, c. 48, 149; Алексеев, 2018, c. 24].