Том 16 (XVII век, «смеховой мир»)

Волку в шее кость увязне, жеравлю мзду дати обеща, аще главу свою вложит и кость из шеи волчьи извлечет. И жеравль, на мзде[944] долгою своею шеею извлекше кость от зле страждущаго волка, мзды прошаше. Волк же, возсмеявся и зубами стиская, рече: «Довлеет ти и сия мзда едина, яко от волчьих уст и зубов всеядних изнесл еси главу свою целу, ниже что пострадавшу».

ТОЛКОВАНИЕ. Притча к мужем, иже от бед когда спасшеся, благодателем же сицевая воздают злобою благодать.

140. О АЛЕКТОРЕХ

Два алектора о курицах браняхуся, и един другаго, бив, отогна,[945] И на месте осененом[946], отшед,[947] скрыся. Победивши же наверх возлете и, на высокой стене став, велегласно возгласи.

Орел же налетев и абие сего восхити, а иже на месте темне скрывыйся, невозбранно от сего часа курицы топташе.[948]

ТОЛКОВАНИЕ. Притча знаменует, яко Господь гордым противится, смиренный же дает благодать.

141. О ЖАБАХ[949]

Жабы две, иссохшу езеру, в нем же живяху[950] обходяще, искаху, где пребыти. И пришедше на источник глубокий, наклонившуся низу и видевше воду, едина советоваше: «Да скочим абие долу». Другая же рече: «Аще и сие изсохнет, то како возможем оттуду изытти?»

ТОЛКОВАНИЕ. Притча являет, яко кроме совету не подобает творити ничтоже.

142. О ВОЛКЕ И О АГНЦЕ[951]

Агнец, на высоком месте стоя, волка низу ходящаго по пути смотряше и зверем злым нарицаше и сыроядцем. Волк же, обращься, рече к нему: «Не ты мене безчестиши, но столп[952], на нем же стоиши!»

ТОЛКОВАНИЕ. Притча к претерпевающим лаяния от недостойных человек ради страха высочайших[953].

143. О СТАРОМ И О СМЕРТИ[954]

Старый некогда, дрова секий и сия несый, многий путь идяше. И ради многаго труда на некоем месте низложи бремя, смерти призываше.

Смерти же пришедши и испытовающи вины, чесо ради ю призывает, — убоявся, старец рече: «И да возмеши и понесеши

[955] бремя мое».

ТОЛКОВАНИЕ. Притча являет, яко всяк человек любожителен есть, аще и злоденствует, аще и нищь будет.

Конец притчей Эзоповых

[144]. ПРИТЧА МУРАВЛЕЙ И КУЗНЕЧИКОВ.[956]

ПРЕТВОРЯЯ ЮНЫХ КО ТРУДОМ

Весне сущи возрасту[957], коники[958], мусикию собравше доброгласную[959], пояху. Муравли же тружатися в плодех начаша и собираху семена и плоды, ими же имеяху зимою питатися.

Зиме же пришедши старости, муравли в них же труждахуся, тем и питахуся. Сих же красота пения скончася убожеством.

Тако убо и юность не хотящыя труждатися в старости злостражет.

НАДПИСАНИЕ[960]АВТОНИЯ[961]-МУДРЕЦА

Баснь, или притча, от творцев изыде. Бывает же и у риторей обща от похваления[962]. И убо притча, или баснь, слово есть ложное, изообразуя истинну. Нарицается же «сиварикос»[963] и «киликс»,[964] и «киприос»[965], — ко обретшим приложи имена[966]. Наипаче же Езопския глаголются, понеже Езоп изрядне[967] всех написа притчи.

И бо баснь, или притча, есть «словесная», «нравоучителная» и «совокупителная».[968] «Словесная» убо сложена, в ней же аще что творит человек. «Нравоучителная» же, еже от бессловесных воспоминаемыя[969] нравы. «Совокупленая», еже от обоих — от бессловеснаго и словеснаго.

Похвале

ние[970] же и истолкование, о чем притча есть сложена, — «надбасным»[971] нарече.

ИСТОРИЯ КНИГИ СЕЯ

Притчи, или баснословие, Езопа Фриги, философа греческаго и баснотворца, преведены быша з греческаго диалекта на словенский язык преводником Феодором Касьяновым, сыном Гозвинским в царьствующем граде Москве в лето от создания миру 71.

«ЗРЕЛИЩЕ ЖИТИЯ ЧЕЛОВЕЧЕСКОГО» — СБОРНИК БАСЕН В ПЕРЕВОДЕ А. А. ВИНИУСА{8}

ЗРЕЛИЩЕ ЖИТИЯ ЧЕЛОВЕЧЕСКАГО[972], В НЕМ ЖЕ ИЗЪЯВЛЕНЫ СУТЬ ДИВНЫЯ БЕСЕДЫ ЖИВОТНЫХ СО ИСТИННЫМИ, К ТОМУ ПРИЛИЧНЫМИ ПОВЕСТЬМИ В НАУЧЕНИИ ВСЯКАГО ЧИНА И САНА ЧЕЛОВЕКОМ.

НЫНЕ НОВОПРЕВЕДЕНО[973] С НЕМЕЦКОГО ЯЗЫКА ВСЕМ В ОБЩУЮ ПОЛЬЗУ ТРУДОЛЮБИЕМ А. А. с. В.[974] В ЦАРСТВУЮЩЕМ ВЕЛИКОМ ГРАДЕ МОСКВЕ В ЛЕТО ОТ ВОПЛОЩЕНИЯ БОГА СЛОВА 1674.

ПРЕДИСЛОВИЕ[975]

Аще[976] убо прежде сего времени притчи сия в тиснении типографии нашей изданы были,[977] обаче[978] не таким изрядным расположением, якоже ныне, ибо к сему приложих совершеннейшаго ради разумения к кийждой[979] притчи от древних летописец согласующуюся предстоящей притчи повесть.[980]