Том 12 (XVI век, литература «обобщающих предприятий»)

И прожил благочестивый самодержец Ярослав всех лет 76; и когда подоспела кончина жития его, предал он со многим благодарением святую и боголюбивую свою душу Господу, в год 6562 (1054), месяца февраля в 24-й день, в первую субботу поста святой великой Четыредесятницы. В Царьграде царствовал тогда Михаил Пафлагонит. И боголюбивый и отцелюбивый Всеволод, много плача, опрятал честное тело свято почившего приснопамятного отца своего, и, положив на сани, повезли его в Киев. И плакали по нем все люди; и, принеся <в Киев>, положили его в мраморную раку. Священнический собор отпел над ним, как положено по обычаю, и погребли его честно в церкви Святой Софии. <...>

ЖИТИЕ... ПРЕПОДОБНОЙ ЕВФРОСИНИИ, ИГУМЕНИИ СПАСА-ВСЕДЕРЖИТЕЛЯ В ГРАДЕ ПОЛОЦКЕ

Подготовка текста и перевод Н. В. Понырко, комментарии В. К. Зиборова, А. В. Сиренова, Т. Г. Фруменковой

ОРИГИНАЛ

ПЯТЫЙ СТЕПЕНЬ, И ДВА МИТРОПОЛИТЫ, КЛИМЕНТЪ, КОСТЯНТИН, И ГРАН 5 <...> ГЛАВА 11. МЕСЯЦА МАЯ 24. ЖИТИЕ И ПОДВИГЪ БЛАЖЕННЫЯ И ПРЕПОДОБНЫЯ ЕУФРОСИНИИ,[954]

ИГУМЕНИИ ВСЕДЕРЖИТЕЛЯ СПАСА И ПРЕЧИСТЫЯ ЕГО МАТЕРЕ, ЕЖЕ ЕСТЬ ВЪ ПОЛОТСКЕ ГРАДЕ

Благослови, отче!

Благословенъ Господь Богъ Израилевъ, Богъ Авраамовъ, Богъ Исааковъ,[955] Богъ Яковль,[956]

— несть Богъ мертвых, но живых! Праведнии бо и по смерти живи суть, якоже Соломон в Притчах глаголет, «праведницы в веки живут»[957] и от Господа мзда им и строение ихъ от Вышняго. Сего ради приимут венец из руки Господня, якоже бысть, еже напредпоидущее скажем. И о сих же сице скажем: «Снидетеся, сущии в пустынях и в горах житие анггельское имуще, старии немощь отложше, а унии, яко елени скачюще, вси снидетеся! И хощу бо вы представити трапезу от брашен сих, да ядяще возвеселитеся душами вашими. Се бо есть трапеза нетлеющих брашен; ибо тлеющее брашно гортань услажает и чрево насыщает, а си душа веселящи и ум укрепляющи на подвиги добрых дел. Се бо яди, братия, аще кто насытится, не вжадает паки, якоже речено есть в Писании: „Не заморит Господь гладомъ душа праведных"».[958]

Мы же на предлежащая возвратимся, о немже писахом повесть сию. Вы же, блазии, послушайте, князи, и боляре, и церковницы. И вы, честнии собори святых, сущих в монастырех, и простии людие, снидетеся на ново се слышание, и послушайте прилежно, отверзше ушеса

своя и умягчивше нивы сердецъ наших, и приимете многоспасенаго жития, и послушайте жены сея преподобныя святыя подвиги и труды и любовь, яже к Богу. Предпоидуще скажемъ, како ся роди, или от ких родителей, или како ся воспита, и како возрасте, в кою ли меру потече во след жениха своего Христа. Но инде скажем о сих по ряду. Сице есть.

Бысть князь в Полоцку именем Всеслав, сынъ Брячиславов, внук Изяславов, правнук блаженнаго и равноапостолнаго Владимера.[959] Той же Всеслав имяше сыны многи. И беяше у него сынъ менший именем Георгий,[960] от негоже родися сии блаженная отроковица.

Родители же ея возрадовастася о рожестве ея со всем домомъ своим и во днех тех повелеста крестити ю во имя Отца и Сына и Святаго Духа. И питома беяше доилицею матере своея, день от дне растяше отроковица. Тело млекомъ питеемо растяше, а душа Святаго Духа наполняшеся. Случи же ся девицы сей ученне быти книжному писанию, еще не достигши ей въ совершенъ возрастъ телеснаго естества, иже молитвы плод. И толма бысть любящи учение, якоже чюдитися отцу ея о толицей любви учению ея. Вести же разшедшися по всем градом о мудрости ея и о блазем учении ея и о телесней доброте ея, бяше бо лепа лицем.

Красота же ея многия и славныя князя на любов приведе ко отцу ея, якоже пояти ю невесту сыну своему, и всем часто присылающимся ко отцу ея. Отецъ же ея отвещаваше: «Воля Господня да будет». Един же преодолеваше славным своим княжением и богатством, прислав ко отцу ея, и испроси дщерь его за сынъ свой. И пришедши ей возраст, и бысть 12 лет; и виде отецъ ея и нача глаголати княгини своей: «Нам уже лепо дати за Предслава[961] князя». Она же глагола ему: «Да како Богъ хощет и твоя воля, княже, тако и будет».